Dr. Joachim (poindikau, tanga’) guminambar pongingitanan miampai Puru Kounsol Watas Keningau, tombului naalap, tongo’ Upisor Otuo Komontirian, Upisor Watas om Upisor Eksekutif.
KENINGAU: Kumoduo Boyoon Montiri po nogi’ Montiri Koporintaan Koiyonon om Pomuwalaian, Datuk Seri Dr. Joachim Gunsalam minonimpuun Ababayan Kotombuluyan Kembara ko-25 Bohogian Kikuasa’ Kinoiyonon (PBT) id poliliput Sabah.
Boogian kumoiso’ Kotombuluyan Kembara disio miampai Komontirian kapaampai Kounsol Watas Tenom, Kounsol Watas Nabawan, Kounsol Watas Keningau om Kounsol Watas Tambunan i pinaharo solinaid duo tadau.
Dr. Joachim (kotolu, gibang) ruminamit tandamato mantad di Robert om sinasi’ dii Isnin (kotolu, wanan), Jonnybone (koduo, wanan), Dr. Jamili (wanan) om i Stanley (gibang).
“Miampai do Komontirian kumakap oku miampai poinbisa’ kumaa koinsanai 25 PBT id poliliput Sabah,” ka disio id iso’ kointalangan ontok kinootmbuluyan kuminaa id Kounsol Watas Keningau, di konihab (20tw Koduo).
Tadau pogulu dilo’, kuminakap isio doid Kounsol Watas Tenom om Nabawan.
Dr. Joachim (poindikau, koonom wanan) guminambar pongingitanan miampai Puru Kounsol Watas Tenom, tombului naalap, tongo’ Upisor Otuo Komontirian, Upisor Watas om Upisor Eksekutif.
Lumansan kikosiwatan kumakap id koinsanai PBT i haro id Sabah do toun diti, ka id Dr. Joachim, tuduan kopio nopo Kotombuluyan Kembara diti nga’ montok mintutun koinsanai PBT id siriba’ Komontirian, mongilo pamalanan tikid PBT, om mokinongou di kohimpogong, kobolingkahangan om kaantaban i otoguang do koinsanai PBT.
Naamot id boogian Komontirian nopo, miampai poinbida’ toi poinpuli montok montok monguhup koinsanai PBT mogihum panalasaian kobolingkahangan om mongingkawas ginaras diolo’ (PBT) id kapanahakan surupukaraja’ bobos osonong kumaa mnogigiyon id kinoiyonon.
Kohondot dilo, ka di Dr. Joachim, miampai noubasanan, soira’ sosonginan watas dilo’ koingkawas rontob, bohogian komontirian monuridong Kounsol Watas (PBT) miagal di kaawagu diti miampai kinopoingkawasan rontob wats Okoro’ Sook kuminaa watas poinponu’.
Dr. Joachim (poindikau, koonom gibang) guminambar pongingitanan miampai Puru Kounsol Watas Nabawan, tombului naalap, tongo’ Upisor Otuo Komontirian, Upisor Watas om Upisor Eksekutif.
Koponuridongan PBT nopo diti mooi do surupukaraja’ kumaa mogigiyon kosili lobi po’ompus lolobi no id sunduk kolidasan, koburision om sopiagal dilo’, ka disio kawagu.
“Pogulu pinoingkawas rontob sabaagi upis watas, kosudongan miagal diti poingulud no mantad,” ka disio.
Dr. Joachim (poindikau, kolimo gibang) guminambar pongingitanan miampai Puru Kounsol Watas Tambunan, tombului naalap, tongo’ Upisor Otuo Komontirian, Upisor Watas om Upisor Eksekutif.
Suai mantad dilo’, katalib mokinongou kopointalangan mantad Upisor Eksekutif, ogumu’ palan di maan poindalano’ wookon dilo’ mongingkawas rontob watas Keningau miampai ponuridongan Keningau Sentral sabab no do watas diti poinsumpak id pialatan watas Tawau, Kota Kinabalu om pomogunan Brunei om Indonesia.
Dr. Joachim (kotolu, wanan) ruminamit tanda’mato mantad di Upisor Watas Tambunan, Sobitun Makajil om sinasi’ dii Isnin (gibang), Upisor Eksekutif Kounsol Watas Tambunan, Rizal Maulah (koduo, gibang); Dr. Jamili (wanan) om i Jonnybone (koduo, wanan).
“Iti nopo nga’ sabaagi posodiaan kaampai no montok koinsanai watas i haro kosiwatan mantad sunduk kopoingkawasan ikonomi om koponginsonongan kakadayan.
Nokotindapou nogi’ Monguhup Montiri Karaja’ Agayo i po nogi’ Puru Lintuhun Undangan Pogun (ADUN) Bingkor, Datuk Robert Tawik; Monguhup Montiri Koporintaan Koiyonon om Pomuwalaian, Datuk Isnin Aliasnih; Monunurat Pointatap Komontirian, Datuk Dr. Jamili Nais; Kumoduo Monunurat Pointatap I Stanley Chong; Monunurat Pulitik kumaa Kumoduo Boyoon Montiri, Datuk Jonnybone Kurum; nogi’ tongo’ Upisor Totuo Komontirian, Upisor Watas om Upisor Eksekutif.
