Hajiji (gibang) miampai di Luguan Montiri Datuk Seri Anwar Ibrahim (kotolu, gibang) om tombului kingaangaran di suai katalib ababayan dilo’.
KOTA KINABALU: Boyoon Montiri (KM), Datuk Seri Haji Hajiji Haji Noor tuminindapou ramai tuminaru (angkat sumpah) om suminain istiadat kinopongigitan karaja’ Yang di-Pertuan Agong Malaysia ko-17, Sultan Ibrahim montok timpu limo toun doid Istana Negara, Kuala Lumpur, di tadau baino’.
Istiadat i pinapanau ontok Mitingan Kounsol Raja-Raja ko-264 (Pinotomod) id Balairung Seri (pisuk ‘takhta’), Istana Negara suminasi’ nogi’ di Sultan Perak, Sultan Nazrin Shah, tuminaru sabaagi Kumoduo Yang di-Pertuan Agong montok timpu di miagal.
Hajiji tinanud di Safar nokorikot doid Istana Negara montok tuminindapou istiadat tuminaru di Sultan Ibrahim sabaagi Yang di-Pertuan Agong Malaysia ko-17.
Ke Bawah Duli Yang Maha Mulia Sultan Ibrahim suminalakoi takhta minonowoli di Al-Sultan Abdullah Ri’ayatuddin Al-Mustafa Billah Shah, i minomupus pinomorintaan di baginda sabaagi Yang di-Pertuan Agong ko-16 di ko 30tw Koiso’.
Monunurat Koporintaan Pogun, Datuk Seri Sr. Safar Untong minananud di Hajiji kuminaa ababayan dilo’.
