Haji Hajiji Haji Noor
KOTA KINABALU: Boyoon Montiri (KM), Datuk Seri Haji Hajiji Haji Noor minamaramit palan saintis sel stem Prof. Dato Sri Dr. Mike Chan montok poposili Sabah sabaagi hab ponombuluyan kolidasan kitopong pomogunan.
Dr. Chan i po nogi’ Ponorikohon Tinimungan Bioperubatan Kesejahteraan Eropah, pinopoilang palan kopoinggayaan om visi disio id pogun diti ontok pinirubaan miampai di Boyoon Montiri di kaawagu diti.
Hajiji (gibang) miniboros tiknologi sel stem miampai di Dr. Chan.
Dr. Chan minoboros, isio om sawo nosusu id Sabah, Prof. Dato Sri Dr. Michelle Wong mamalan montok popoinggayo kotorinaan diolo’ kumaa Sabah montok momogonop pidagangan Asean om BIMP-EAGA.
Minoboros isio, palan kopoinggoyoan diolo’ kaampai ponuridongan kogogonopan pamansaian biofarmaseutikal momoguno tiknologi Jerman id hab Taman Pomorunan Kota Kinabalu (KKIP) om Longkod Kasasanangan Eropah Asia Pasifik id Alamesra miampai ginumu’ kopoopuan kikiro USD80 riong.
Miampai kogogonopan di pinosodia’, minoboros isio, iti nga’ kouhup Sabah kaanu pidagangan poinbida’ id siktor ponombuluyan balajaran kolidasan sabab ogumu’ mononoriuk sel stem mantad poliliput pomogunan i rumikot kumaa pogun diti montok popoindalan ponolidikan id pongubatan bio-regeneratif om sains.
Dr. Chan i nointutunan id pomorunan pongubatan bio-regeneratif id poliliput pomogunan, minonurat lobi mantad 50 tinan buuk om nakalantoi pipiro gaa’ kaampai Gaa’ Kopomuruanan Kousahawanan Kasasanangan Cina Sompomogunan mantad China toun nakatalib.
European Wellnes i tinuridong di toun 1991 kiharo 46 walai pongubatan om longkod id pototongkop pomogunan kaampai id Jerman, Switzerland, Santorini Greece om poliliput Asia miampai piromutan moomoguno di ogumu’.
