Hajijij (wanan) minamaramit kinotombuluyan apatang di Dr. Zambry.
KOTA KINABALU: Boyoon Montiri (KM), Datuk Seri Haji Hajiji Haji Noor minamaramit kintoombuluyan apantang mantad di Montiri Balajaran Akawas, Senator Dato’ Seri Diraja Dr. Zambry Abdul Kadir id upis disio doid Menara Kinabalu do hiti di tadau baino’.
Iti nopo nga’ kitombuluyan kumoinsan di Zambry soira’ minongigit karaja’ wagu dilo’. Pogulu dilo’ isio nopo nga’ Montiri Labus Pogun.
Hajiji (tanga’) minamaramit tandamato mantad di Dr. Zambry.
Kinotombuluyan dilo’ kihontolon popoinggirot po do piromutan om pisokodungan goduduo bohogian id inggisaman popoburu’ siktor balajaran akawas id pogun diti.
Hajiji mokianu Komontirian Balajaran Akawas manahak koposuulan kumaa Sabah kosuul no id inggisaman momoruhang om mongingkawas po do kogogonopan balajaran akawas id pogun diti.
Nokotindapou nogi’ i Kumoduo Montiri Balajaran Akawas, Datuk Ts. Mustapha Sakmud, Kumoduo Luguan Monunurat (Ponguludan om Koburuon) Komontirian Balajaran Akawas (KPT), Mohamad Azhan Md. Amir, Luguan Potunud Balajaran Akawas, Prof Dr. Azlinda Binti Azman om i Timbang Canselor Univositi Malaysia Sabah (UMS), Prof. Datuk Dr. Kasim Haji Mansor.
