Hajiji (kolimo, gibang) pinopoindalan kopomutulan kek kopiondot Ramai Walai Poingukab Krismas GRS 2023 om Toun Wagu 2024 id ITCC Penampang, Penampang, di tadau baino’.
PENAMPANG: Ababayan walai poingukab kiguno tilombuson mooi do otungkusan do sakag dumontol, ka di Boyoon Montiri (KM), Datuk Seri Haji Hajiji Haji Noor.
Hajiji po nogi’ Ponorikohon Gabungan Rakyat Sabah (GRS) minoboros, ababayan walai poingukab miagal do Walai Poingukab Krismas diti nosili no do kinoubasanan om pinaanjur mantad di laid id pogun diti.
“Ababayan diti tadau baino’ kopokito iso’ i olumis om nosili no do iso’ kinoubasanan id Sabah nogi’ noubasanan pointonod hinotusan toun nakatalib do pinogitutungkusan. Kalansanan ku ababayan miagal diti maan tilombuso’ do timpu-timpu dumontol.
“Iti kopokito do sundung dati’ kiharo pogisusuaian tinaru om ugama’, nga’ misompuru tokou montok koundaran toinsanan,” ka diiso kumaa media kopihondot Walai Poingukab Krismas Gabungan Rakyat Sabah om Toun Wagu 2024 id ITCC, do hiti di tadau baino’.
Hajiji guminambar miampai tongo’ lansanon GRS om Pakatan Harapan (PH) Sabah nogi’ tombului id Ramai Walai Poingukab Krismas GRS 2023 om Toun Wagu 2024 id ITCC Penampang, Penampang, di tadau baino’.
Boyoon Montiri minoboros, ababayan miagal diti okon nopo ko’ iso’ i osonong kopio nga nogi’ kopokito piuludan pisompuruan mogigiyon orukut itnaru id Sabah i olumis kopio om kiguno gompion.
Kapt:
Hajiji guminambar miampai tongo’ lansanon GRS om Pakatan Harapan (PH) Sabah nogi’ tombului id Ramai Walai Poingukab Krismas GRS 2023 om Toun Wagu 2024 id ITCC Penampang, Penampang, di tadau baino’.
