Gambar pomoluda’
KOTA KINABALU: Soginumu’ 169 tulun nogompitan liyud id duo watas id Sabah pinoundaliu kuminaa tolu longkod poundolihan naamot (PPS) id pogun diti minintonod di konihab.
Tumanud Utusan Malaysia, Sekretariat Puruankuasa’ Ponguludan Kadaat Pogun (JBPN) Sabah pinopoilo gisom noondo 142 tulun nogompitan mantad 36 paganakan pinoundaliu kuminaa PPS id Sandakan om 27 tulun mantad siam paganakan pinoudaliu id PPS doid Paitan.
Tolu PPS di nukaban nopo nga’ id Sikul Mananga’ Kabansaan (SMK) Pamol om Walai JPKK Cocos id Paitan om Masjid Nur Iman, Kampung Sungai Memanjang id Sandakan.
Kadaat liyud id Paitan pinohimagon minimpuun di jam ko 2 sxodopon konihab, naamot kadaat liyud id Sandakan pinoimagon di jam ko 3.45 sodopon.
Ponorikohon Puruankuasa’ Ponguludan Kadaat Watas (JPBD) Okoro’ Paitan om JPBD Sandakan sopipoopori pinopoimagon kadaat liyud miampai kinopongukaban tolu PPS id goduduo watas dilo’.
