Koyuyuon po’ompus ababayan mimbosikol.
KOTA KINABALU: Soginumu’ 780 tulun tutumanud minampai ababayan Mimbosikol Miampai TYT.
Kinopoungkoyutan montok ababayan dilo’ pinoindalan di Molohingon Pogun (TYT), Tun Juhar Mahiruddin id Padang Merdeka di jam ko 7.30 kosuabon, tadau Minggu.
Toun diti, kiginumu’ do tolu bohogian pinaanjur ilo’ nopo nga’ Mimbosikol Miampai Toh Puan i binuruan di Toh Puan Norlidah R.M Jasni sondiri, Mimbosikol Miampai VIP om Konvoi Mutusoikol Miampai TYT.
Kumoduo Boyoon Montiri II, Datuk Seri Dr. Joachim Gunsalam pinopoilo ababayan nopo dilo’ nga’ iso’ mantad pinonuang kapamaramaian Kinouliton Toun Kinosusuon Pinotomod Ko-70 di Molohingon Pogun Sabah.
Dr. Joachim (tanga’) ontok rinubaan media.
Isio po nogi’ Ponorikohon Puruankuasa’ Induk kapamaramaian dilo’ minoboros oinsanan ababayan di pinapanau nokopokito di Tun Juhar toririmo miampai do rayat.
Nokotindapou nogi’, Kumoduo Speaker Lintuhun Undangan Pogun (DUN) Sabah, Datuk Al Hambra Tun Juhar, Monguhup Montiri Kousinan, Tan Lee Fatt; Pesuruhjaya Pulis Sabah, Datuk Jauteh Dikun, Monunurat Pointatap Komontirian Koporintaan Koiyonon om Pomuwalaian, Datuk Dr. Jamili Nais om Mayor Bandaraya Kota Kinabalu, Datuk Noorliza Awang Alip.
