Hajiji Haji Noor
KOTA KINABALU: Shell amu’ nabaya’an di palan mantad dau montok monompon stisin tumau dau id Sabah nosusuhut pipiro pinibabarasan miampai koporintaan pogun.
“Koporintaan Pogun minamaramit do habar tosonong diti,” ka di Boyoon Montiri, Datuk Seri Hajiji Haji Noor, minongomi kinapahabaran Shell Timur Sdn. Bhd. montok amu’ minonilombus koponomponan 34 stisin tumau dau id Sabah poinggirotkuasa’ wulan Koiso’ toun tiso’.
Nosusuhut kinapahabaran Shell kohondot ponomponan dilo’ i naantakan di wulan Ko’onom katatalib, ruminuba’ i Hajiji di Ponorikohon Shell Malaysia, Siti Hurrairah Sulaiman montok miniboros do hal dilo’.
“Nowit dahai hal diti kumaa koporintaan Pisompuruan. Mamagatang yahai kopusohon koporintaan Pisompuruan kumaa koyuon id Sabah om mongunsikou yahai do minokinongou yolo’,” ka disio.
