Tun Juhar (tanga’) guminambar miampai di Christina (kaapat, gibang) om tinonudan.
KOTA KINABALU: Kapamaramaian Tadau Malaysia Nayatan Pogun Sabah Toun 2023, tadau Ko’onom diti, otindapou di Molohingon Pogun (TYT), Tun Juhar Mahiruddin.
Montiri Ponombuluyan, Koubasanan om Sandad Posorili’ Datuk Christina Liew i po nogi’ Ponorikohon Puruankuasa’ Induk kapamaramiaan idlo’ pinopoilo, kapamaramaian dilo’ pohoroon id Padang Merdeka Kota Kinabalu mimpuu jam ko 6 sodopon.
Ka disio, mogisusuai ababayan koimbayat mongindad tongo’ tutumombului wookon dilo’, pokikitanan pinotomod “Malaysia Madani: Tekad Perpaduan Penuhi Harapna” do Kotinanan Koubasanan Pogun Sabah (LKNS), tayangan montaf om pokikitanan bunga’ api.
Mantad dilo’, alapon disio tulun ginumuan rumubpu’ montok poposindak rinamai kapamaramaian dilo’. Christina rinubaan media katalib kinotombuluyan apantang kumaa di Tun Juhar id Istana Seri Kinabalu, di tadau Koiso’.
Nokopogulu, Tun Juhar minamaramit kinotombuluyan Hakim Agayo Sabah om Sarawak, Tan Sri Datuk Abdul Rahman Sebli.
Kinotombuluyan dilo’ kituduan montok pinapatahak apat ngaran calon montok karaja’ Pesuruhjaya Kohokiman Kuut Akawas mantad Sabah om Sarawak.
Nokotindapou nogi’ i Monunurat Suruhanjaya Koposilihan Kohokiman, Qalam Zainuddin Sani om puru dilo’, Datuk Abdul Razak Tready.
