Hajiji (wanan) ontok minooi intong kinoiyonon kinaantakan tana’ notuhan id Kilometer 14.3 Ralan Kimanis- Keningau, di tadau baino’.
KENINGAU: Boyoon Montiri, Datuk Seri Haji Hajiji Haji Noor minooi intong kinoiyonon tana’ notuhan id Kilometer 14.3 om Kilometer 11.2 Ralan Kimanis-Keningau do hiti, di sodopon baino’.
Nonuan nogi’ isio kopointalangan di Potunud Karaja’ Agayo Sabah, Datuk Philemon Lajawai kohompit karaja’ ngaawi’ pomurisian om ponginsonongan tisan di notuhan i pinoindalan doid kinoiyonon dilo’.
Boyoon Montiri pinopowonsoi pinongintongan dilo’ ontok pamanahan pakayaán id Keningau do tumindapou Ramai Mongukab Puasa Unit Lansanon Koburuon Mogigiyon, Koupisan Boyoon Montiri miampai sokodung Kim Teck Cheong Consolidation Berhad kumoinduo toun 2025 id Kompleks Sipoot Keningau.
Id timpu diti karaja’ kopomurisian ralan om koponginsonongan tisan di notuhan kinoiyonon dilo’ modingkopongo om pinoilo do wawayaán dilo’maan ukabai id timpu oruhai diti poingkuro po pointanud ilo’di koyuon do tawan maso-maso.
Montok rikod, Ralan Keningau-Kimanis id Kilometer 11.2 sinompon do poinponu’ pointonod ko 8tw Kotolu katatalib, naamot wawayaán id Kilometer 14.3 sinompon pointonod di ko 4tw Kotolu katatalib soira’ tisan notuhan nokoowit do ralan dilo’ amu’ awayaán do oinsanan ponit padsakaian.
