Tinimungan bomba minintong koyuon linimput Walai Pongubatan Kota Marudu nosusuhut tana’ noguyu’ orulan i naantakan di tadau baino’.-Gambar Bomba
KOTA MARUDU: Tana’ noguyu’ orulan i naantakan id sinodu’ 27 kilometer mantad watas diti di jaam ko 10.39 kosuabon baino’ amu’ nokopohompit kinaraagon id linimput.
Tumanud ruputan Utusan Malaysia, Longkod Gerakan Operasi Koupisan Bomba om Manampasi Malaysia (JBPM) Sabah pinopoilo, tumanud pinogintongan di winonsoi, mogigiyon nokoiyonon nga amu’ nokopurimon do ginuyu’ dilo’.
“Bohogian dahai minamaramit pamalahawan agagou karait kinaantakan tana’ noguhu’ di jaam ko 10.39 kosuabon om pinogintongan potilombus winonsoi id pososorili’ koiyonon Kakadayan Kota Marudu.
“Pinogintongan id pipiro kinoiyonon oponsol, miagal walai pongubatan, hotel, kotinanan kousinan om stisin tumau nokoilo do aiso’ nunu-nunu kinaraagon di naantakan,” ka do PGO id iso’ kopointalangan di tadau baino’.
Ka disio, karaja’ kinopogintongan puru bomba pinupusan di jaam ko 11.41 kosuabon.
Koupisan Meteorologi Malaysia (Met Malaysia) di tadau baino’ pinoporuput do tana’ noguyu’ orulan kimagkintud 3.8 miampai kirinalom 10 kilometer (km) naantakan id sinodu’ 2 km mantad Koibutan Kota Marudu.
