Tinan nogompitan tulun nolohing nokito id suang padsakaian i pointontiil doid Jalan Bukit Temasu, Taman Sinar, Kota Kinabalu di tadau baino’.- Gambar Bomba
KOTA KINABALU: Songulun kusai nolohing nokito napatai id suang songinan padsakaian i poingontiil doid Jalan Bukit Temasu, Taman Sinar, do hiti, di tadau baino’.
Tumanud ruputan Utusan Malaysia, Luguan Balai Bomba om Monumpasi (BBP) Lintas, Agustavia Joe Guasi pinopoilo tulun nolohing kiumur 69 dilo’ nokito do amu’ kopuriman id suang songinan padsakaian i poingontiil di kikiro jaam ko 10 kosuabon.
Minoboros isio, soira nopo nakaramit pamalahawan aarau-arau karait kinaantakan dilo’, sontinimungan apat puru pinaatod id kinoiyonon kinaantakan kikiro onom kilometer mantad BBP Lintas.
“Tinimungan bomba talib dilo’ minongukab totobon korita’ minomoguno kakamot pinotomod om i nogompitan pinoimagon nokoidu’ pogun id kinoiyonon kinaantakan di tinimungan pongubatan.
“Potilombus dino tinan di nohompitan pinatahak kumaa PDRM montok laang potilombus,” ka disio id iso’ kointalangan di tadau baino’.
Pinupusan karaja’ di jaam ko 10.22 kosuabon soira’ noilaan aiso’ koligaganan suai id kinoiyonon.
Iti nopo nga’ kinaantakan koduo kusai nokito napatai id suang padsakiaan suang timpu tolu minggu diti.
Di 21tw Kohopod om Iso’ katatalib, songulun kusai kiumur 55 toun nga’ nokito nogi’ napatai id suang songinan padsakaian doid Kuantan soira’ nokoruput natagak pointonod di ko 13tw Kohopod om Duo ontok luminabus minooi paganu tubat id songinan kolinik kolidasan.
Pogulu dilo’, di ko 10tw Kohopod om Duo, tinan songulun kusai songkosuayan nokito id suang songinan biik pino’iliu id toguang songinan padsakaiand doid koiyonon pomuwalaian Cheras Perdana, Bandar Tun Hussein Onn, Kajang doid Kuala Lumpur.
Tinan kusai kotumbayaan umuran 20-and ilo’ nokito id koyuon di ogogonop suai ko’ notipu’ id ponong todung.
Kapt:
