Francis Chong
PENAMPANG: Tomu Donggongon maan poundoliho’ do naamot kumaa koiyonon osinggawa’ pialatan kadai doid Kakadayan Donggongon, do hiti, mimpuun ko 13tw Kohopod om Iso’.
Presiden Kounsol Kakadayan (MPP) Donggongon, Francis Chong minoboros, laang diti kiguno montok papasanang karaja’ ngaawi’ koponginsonongan Tomu Donggongon di haro mantad, kituduan poposodia’ koiyonon pongindopuan di osimbayan, koimbayat om oumolig kumaa mongindapu’ om tulun ginumuan.
“Projik ponginsonongan diti koposodia’ koiyonon di lobi osimbayan om oulud montok goduduo mongingindapu’ om tongo’ momoomoli, papatantu’ kopurimanan mooi tomu id Donggongon di lobi kosonong.
“MPP karati do kopoundolihan naamot diti pikikiro doti’ koowit kobolingkahangan tokooro’. Poingkuro po, MPP nopo nga’ pointotopot do mongingkuri’ nunu-nunu kohimpogongan om papatantu’ koundolihon diti koindalan oturundus. Mongunsikou yahai sokodung om kasagaan oinsanan mongingindapu’ om tulun ginumuan id po’ompus timpu diti,” ka disio id kointalangan di tadau baino’.
Montok kointalangan potilombus toi ponguhotan, kaanu momoromut MPP.
