Mohd. Yaakob Haji Jaafar
KOTA KINABALU: Kinapahabaran Koporintaan montok popoingkawas rontob sukai surupukaraja’ (SST) kopotonggoi nogi’ tongo’ moomoguno id pogun diti.
Rontob sukai SST diti kosimban ilo’ nopo mantad 6% kumaa 8% mimpuun ko 1tw Kotolu diti.
Luguan Upisor Eksekutif SESB, Ir. Ts. Mohd. Yaakob Haji Jaafar minoboros, i no pomogunaan lotirik 600 kWh poingkawas toi ko’ bil tikid wulan kiginumu’ RM203 poingkawas i kohompit di sukai SST 8% diti.
Ka disio, koinsawaton rontob sukai SST diti pikikiro kapanahak waya’ kumaa 95,982 mongingigit akaun toi ko’ 16.72% moomoguno no om amu’ kapaampai moomoguno do oinsanan.
“SESB toririmo miontong om poinsodia’ monguhup montok manahak koporotian kumaa moomoguno nung aantakan nunu-nunu kobolingkahangan ontok kosimbanon diti,” ka disio id kointalangan di tadau baino’.
Montok ponguhotan potilombus, moomoguno kaanu kointalangan kopohompit sukai SST id laman sesawang pinotomod SESB id www.sesb.com.my.
