Hajijij guminambar miampai tongo’ mongindapu’ om papadaadagang watas Sulaman i nakaramit ponguhupan RM5,000 id ramai kinapatahakan ponguhupan dilo’ doid Lintuhun Longkod Koubasanan Rumpun Bajau Sama, Tuaran di tadau baino’.
TUARAN: Koporintaan Pogun pinopolulus kinopoobian soginumu’ RM4.5 riong montok monginsonong tongo’ wawayaan ralan kampung id watas Lintuhun Undangan Pogun (DUN) Sulaman toun diti.
Boyoon Montiri, Datuk Seri Haji Hajiji Haji Noor minoboros, wawaya’an i kininaru pialatan 100 meter gisom 300 meter maan insansangai montok kosimbayanan om kogogonopan mogigiyon.
“Iti wookon kogoogonopan i pinalan tokou om maan poindalano’ id watas DUN Sulaman toun diti, pinolulus ku kinopoobian soginumu’ RM4.5 riong montok tuduan dilo’.
“Ogumu’ nogi’ kogonopan infrastruktur i wonsoiyon do koporintaan po’ompus timpu id watas Sulaman om nogi’ koiyonon di suai,” ka disio.
Hajiji pinapatahak ponguhupan kumaa mongindapu’ om papadaadagang watas Sulaman i nakaramit ponguhupan RM5,000 id ramai kinapatahakan ponguhupan dilo’ doid Lintuhun Longkod Koubasanan Rumpun Bajau Sama, Tuaran di tadau baino’.
Minoboros isio dilo’ id Ramai Kinapatahakan Ponguhupan Mongindapu’ Okoro’ om Papadaadagang Watas Sulaman id Lintuhun Longkod Koubasanan Rumpun Bajau Sama do hiti, baino’.
Soginumu’ 125 mongindapu’ okoro’ om papadaadagang tisan ralan watas Sulaman nakaramit ponguhupan tusin tunui RM5,000 mantad Bohogian Kikuasa’ Kopoburuan Ikonomi om Kopoopuan Sabah (SEDIA) om kinopoobian Sentuhan Kasih Puru LINtuhun Undangan Pogun (ADUN).
Hajiji po nogi’ Ponorikohon SEDIA minoboros, koporintaan pogun nga’ tumopot montok mongingkuri’ rontob mosikin tegar id Sabah i noondo diti kiharo lobi 22,000 Luguan Suang Walai (KIR) mosikin tegar id pogun diti.
Nminoboros isio, koporintaan pinapatatap komponi poinggompit koporintaan (GLC), kotinanan ngaawi’ koporintaan om tongo’ papaapu’ lab us om nokoiyonon i minongukab kilang id Sabah maganu tangaanak mantad nayatan paganakan mosikin tegar sabaagi kukumaraja’.
Ka disio, miampai inggisaman dilo’ suai ko’ kopogiuhupan inggisaman mantad tongo’ komontirian, koupisan om kotinanan poinggompit, kalansanan do koporintaan kaanu moningkod kobolingkahangan mosikin tegar.
Karait do ponguhupan kumaa mongindapu’ okoro’ om papadaadagang, minoboros isio, ilo’ nopo nga’ wookon inggisaman Koporintaan mongobi’ konosipan tinimungan dilo’.
Hajiji pinapatahak ponguhupan kumaa mongindapu’ om papadaadagang watas Sulaman i nakaramit ponguhupan RM5,000 id ramai kinapatahakan ponguhupan dilo’ doid Lintuhun Longkod Koubasanan Rumpun Bajau Sama, Tuaran di tadau baino’.
Lumansan isio ponguhupan dilo’ kouhup popoinggayo po do pongindopuan diolo’, potilombus dino monguhup mongingkawas nindopuan montok tinan om pagakanan.
“Mongindapu’ okoro’ om papadaadagang nuru’ do opinogot montok mongingkawas rontob koposion paganakan,” ka disio pinoposotol.
Nokotindapou nogi’ i Luguan Eksekutif SEDIA, Datuk Seri Haji Hashim Paijan, Luguan Monunurat Pulitik Boyoon Montiri, Datuk Haji Abdul Kassim Razali, Monunurat Pulitik Montiri Kousinan, Datuk Haji Johari Saiman om Upisor Watas Tuaran, Hadzlan Jablee.
