Shahelmey Yahya
KOTA KINABALU: Ralan Magandai id Kota Marudu i nokotonu’ doid media sosial noondo diti nopo nga’ masaan id fasa kapamansaian, ka di Montiri Karaja Agayo, Datuk Ir. Shahelmey Yahya.
Ralan kininaru 40 kilometer dilo’ pointonod mantad simpang pakaya’an id Kampung Tondig gisom id Sikul Kabansaan Magandai, Kota Marudu, ka disio id kointalangan di tadau baino’.
“Bohogian kuntiriktor nga’ pinopoilo do misin diolo’ haro id koiyonon pamansaian om nogi’ pinaatod kumaa (CH19+000 – CH40+000) koiyonon i asaru’ aantakan karaagon montok tuduan momonsoi karaja’ koponginsonongan.
“Sundung ingkaa, nosusuhut koyuon tawan i rumasam po’ompus nokoowit do koyuon tana’ di olomok om kopomolingkahang karaja’ kapamansaian om koponginsonongan,” ka di Shahelmey i po nogi’ Kumoduo Boyoon Montiri III.
Sundung potoguang kaantaban dilo’, ka disio, bohogian kuntiriktor pinopoilo do misin diolo’ toririmo id koiyonon montok monguhup mogigiyon id koiyonon dilo’.
