TENGHILAN: Tulun ginumuan alapon rumikot ogumu’ kumaa Ababayan Monoluod Raha’ i pohoroon do tadau Kaapat obontol (5tw Koduo) id Lintuhun SRA Tenghilan, mimpuun jaam ko’ 9 kosuabon gisom jaam ko’ 2 sodopon.
Ababayan nopo dilo’ nga’ piuhupan manganjur do Koisaan Pinsin Koporintaan Sabah (PPKS) om Tinimungan Komulakan PBS Bohogian N14 Tamparuli sabaagi somboogian mantad inggisaman monguhup monginggirot pangaba’ raha’ id Walai pongubatan di momoguno.
Momoboros ababayan dilo’ mantad PPKS, Daulik Gutak minoboros, kopongonjuran ababayan dilo’ kituduan mongunsub lobi kogumu’ mogigiyon monoluod raha’ suai ko’ posuni sunduan ‘kesukarelawanan’ id nayatan mogigiyon nokoiyonon.
“Sabaagi tanda’ pongunsikohan kumaa tongo’ monoluod, manganganjur poposodia’ ponuau-suau kapaampai wagas kumaa diolo’ i kalantoi monoluod raha’,” ka disio.
Pinointalang disio, soginumu’ 30 mononoluod kopogulu i kalantoi monoluod raha’ karambit limo kilogram wagas, naamot mononoluod raha’ bobos insaru’ nopo nga’ kikosiwatan mogowit muli’ 10 kilogram wagas.
ka di Daulik, ababayan miagal dilo’ okon nopo ko’ kapanahak koundaran kumaa mamaramit raha’, nga’ kikosiwatan manampasi niawa tu’ iso’ beg raha’ kouhup gisom tolu niawa.
Kopiongoi di inggisaman po’ompus montok monginggirot sitok raha’ id Walai pongubatan doid pogun diti, otumbayaan isio ababayan dilo’ kaanu raramit kounsub mantad mogigiyon nokoiyonon nogi’ pososorili’ Tamparuli om Tenghilan.
Kohondot dilo’, manganganjur mongunsub tulun ginumuan do rumikot lobi kosopung montok popoinsanang do koporojistoran suai ko’ kopoinggayo kosiwatn mamaramit ponuau-suau i pinosodia’.
Tulun ginumuan i momoguno kointalangan potiombus kaanu momoromut di Daulik id numbur, 011-5116 5806, Rizkam Wenddy Yabin (011-1881 8313), Joanes Robert Johnny @ Ateng (012-918 2206) toi i Cikgu Lenliy (016-819 0895).
