Hajiji minitabi’ di Abang Johari id Ababayan Retreat Koporintaan Madani id Bangi di tadau baino.
KUALA LUMPUR: Boyoon Montiri, Datuk Seri Haji Hajiji Haji Noor minomuruan tinonudan mantad Sabah tuminindapou Permukiman Koporintaan Madani 2026 solinaid duo tadau i nakapanau id Longkod Pinsingilaan KWSP Bangi, Selangor minimpuun konihab.
Nakaampai nogi id tinonudan Sabalı i Kumoduo Boyoon Montiri I, Datuk Seri Dr. Joachim Gunsalam; Montiri Kousinan, Datuk Seri Masidi Manjun om Montiri Koporintaan Koiyonon om Pomuwalaian, Datuk Dr. Mohd. Arifin Mohd. Arif.
Luguan Montiri Datuk Seri Anwar Ibrahim pinapatahak pason id tadau kumoiso permukiman.
Hajıjı miampai tongo topong karaja minonuau kinorikotan di Luguan Mentiri Datuk Seri Anwar Ibrahim id ababayan retreat dilo doid Kampung Pinsingilaan KWSP, Bangi, Selangor.
Hajiji pinapawalad nogi karatas pibabarasan kopohompit haal maso-maso koponsolon rayat mantad sunduk Sabah id tadau koduo.
Nokotindapou nogi i Kumoduo Luguan Montiri Datuk Seri Ahmad Zahid Hamidi om Datuk Seri Fadillah Yusof; Boyoon Montiri Pulau Pinang, Chow Kon Yeow; Boyoon Montiri Melaka, Datuk Seri Utama Ab. Rauf Yusoh; Premier Sarawak, Tan Sri Abang Johari Openg nogi’ tongo Montiri Agayo Dato’ Seri Amiruddin Shari (Selangor), Dato’ Sri Diraja Haji Wan Rosdy Wan Ismail (Pahang), Dato’ Onn Hafiz Ghazi (Johor) om i Datuk Seri Saarani Mohamad (Perak), suai ko koinsanai montiri Kabinet Pisompuruan.
