Hajiji minananud di Tun Musa om tombului apantang suai guminambar miampai tongo’ mamaramit gaa’ pinotomod id Ramai Istiadat Konvokesyen Institut Pinsingilaan Islam om Dakwah Sabah (IPDAS) Ko-19 id Longkod Konvensyen Sompomogunan Sabah (SICC), Kota Kinabalu di tadau baino’.
KOTA KINABALU: Molohingon Agayo Pogun (TYT) Sabah Tun (Dr.) Haji Musa Haji aman pinopoimagon Ramai Istiadat Konvokesyen Institut Pinsingilaan Islam om Dakwah Sabah (IPDAS) Ko-19 id Longkod Konvensyen Sompomogunan Sabah (SICC) do hiti di tadau baino’.
Boyon Montiri (KM), Datuk Seri Haji Hajiji Haji Noor nokorikot di jaam ko 9.20 kosuabon pogulu kinorikotan di Tun Musa om potilombus dilo’ pinopoimagon do ramai nokomoi.
Ramai dilo’ notindapou nogi’ di Montiri id Koupisan Luguan Montiri (Haal Ugama’), Senator Dato’ Setia Dr. Haji Mohd. Na’im Mokhtar; Montiri Sains, Tiknologi om Inovasi po nogi’ Exco Ugama’ om Balajaran Pogun, Datuk Dr. Haji Mohd. Arifin Mohd. Arif; nogi’ i Luguan Potunud Koupisan Komogoton Islam Malaysia (JAKIM), Dato’ Dr. Sirajuddin Suhaimee.
Ramai pimaga’an kopohompit 305 graduan i nokopomupus pininsingilaan Diploma Dakwah Islamiah, Sijil Pinsingilaan Islam om Sijil Asas Pinsiniglaan Islam Malaysia.
Pinatahak nogi’ Gaa’ Alumni IPDAS, Gaa’ Yang di-Pertua Kounsol Ugama Islam Sabah (MUIS), Gaa’ Luguan Potunud JAKIM, Gaa’ Montiri id Koupisan Luguan Montiri (Haal Ugama’), Gaa’ Boyoon Montiri Sabah om Pingat Amas TYT Yang di-Pertua Pogun Sabah.
