Boyoon Montiri, Datuk Seri Haji Hajiji Haji Noor i po nogi’ Ponorikohon Gabungan Rakyat Sabah (GRS) minonorikohon mitingan Kounsol Akawas GRS do hiti di totuong baino.
KOTA KINABALU: Kounsol Akawas Gabungan Rakyat Sabah (GRS) pinapatatap montok monilombus piuhupan miampai Pakatan Harapan (PH) sabaagi posodiaan monoguang Pomilian Agayo Pogun ko-17 (PRN17) i pikikiro pohoroon id timpu oruhai diti.
Id iso’ kointalangan pinalabus katalib mitingan dilo’, Monunurat Agayo GRS, Datuk Seri Masidi Manjun minoboros, piuhupan dilo’ atalang nokouhup papaadang pulitik id Sabah, potilombus dino kapanahak kosiwatan kumaa koporintaan pogun moningkanan do koburuon pogun kaampai panalasaian kobolingkahangan ngaawi’ kogogonopan.
“Kounsol Akawas GRS mindikau iso’ mija’ miampai kopomuruanan PH id timpu oruhai montok papatantu’ pogiikidan timpohon i tondingon parti sompoopori. GRS kakal kinigitan do parti ngaawi’ nokoiyonon mositi’ no papapanau tonggungan agayo id piuhupan di pogiokunan,” ka disio id kointalangan di totuong baino’.
Pinosotol disio, mitingan Kounsol Akawas GRS di totuong baino’ amu’ miniboboros toi nakarait nunu-nunu piuhupan miampai parti suai montok monoguang PRN17.
