Hajiji (koduo, wanan), Arif Havas ontok minaramit kotombuluyan apatantang id upis disio doid Menara Kinabalu, Kota Kinabalu di tadau baino’.
KOTA KINABALU: Boyoon Montiri, Datuk Seri Haji Hajiji Haji Noor minamaramit kotombuluyan apantang mantad di Kumoduo Montiri Labus Pogun Republik Indonesia, Tuan Yang Terutama Arif Havas Oegroseno id upis disio doid Menara Kinabalu, do hiti di tadau baino’.
Isio i timpu kotombuluyan karaja’ solinaid tolu tadau kumaa Malaysia potimpuun konihab, miampai duo tadau id Sabah susuhotonon sangadau id Kuala Lumpur.
Goduduo bohogian miniboros karait mogisusuai haal, ksouuln o karait piupakatan koumoligan piwolitan, suai ko’ haal ikonomi i kopohompit piuhupan pidagangan id pialatan Sabah om Indonesia.
Nokotindapou nogi’ i Monunurat Koporintaan Pogun, Datuk Seri Sr. Haji Safar Untong; Monunurat Haal Suang Pogun om Ponolidikan, Datuk Ag. Shahminan Ag. Sahari; Potunud Jeneral Hukum om Pibatosan Sompomogunan, Yang Mulia L. Amrih Jinangkung; Konsul Jeneral Republik Indonesia, Rafail Walangitan; Konsul Indonesia id Tawau, Aris Heru Utomo; Potunud Upis Watas Sabah Komontirian Labus Pogun (KLN), Mohd. Sahafeez Shaharis om i Kumoduo Luguan Potunud Koupisan Haal Maritim KLN, Dr. Mohd. Norhisyam Mohd. Yusof.
