Dr. Joachim (kotolu, wanan) pinapatahak watikah koposilihan kuminaa di Walter om sinasi’ dii Dr. Jamili (koduo, wanan), Stanley (gibang) om i Faridah (wanan).
KOTA KINABALU: Kumoduo Boyoon Montiri II po nogi’ Montiri Koporintaan Koiyonon om Pomuwalaian, Datuk Seri Dr. Joachim Gunsalam pinopotunui watikah kinoposilihan kumaa Presiden Kounsol Kakadayan (MPS) di wagu, Walter Joseph Kinson, id iso’ ababayan doid Linimput Wisma Innoprise, do hiti, konihab.
Walter, 57, kiharo nawawayaan ogumu’ id siktor surupukaraja’ koporintaan solinaid 36 toun id mogisusuai komontirian. Nokoumbal isio minongigit karaja’ sabaagi Kumoduo Monunurat Pointatap I Komontirian Koburuon Mogigiyon om Kasasanangan Mogigiyon (KPMKR), Potunud Kolidasan om Surupukaraja’ Kakadayna doid Dewan Bandaraya Kota Kinabalu, nogi’ Upisor Watas Keningau.
Minonimpuun isio karaja’ wulan diti, minonowoli di Presiden nokopogulu, Henry Idol.
Id ababayan miagal, nakapanau nogi’ kinapatahakan watikah koposilihan montok mongoput timpu surupukaraja’ kumaa Presiden Kounsol Kakadayan Tawau (MPT), Joseph Pang, nogi’ Kumoduo Presiden MPS, Wilson Thomas.
Dr. Joachim (poindikau, tanga’) guminambar pongingitanan katalib pinapatahak watikah koposilihan kumaa tongo’ mamaramit om tombului i nokotindapou id Wisma Innoprise, konihab.
Dr. Joachim lumansan mooi do oinsanan mamaramit watikah kinoposilihan kaanu popoindalan karaja’ miampai poinponu’ tonggungan id kapanahakan surupukaraja bobos osonong kumaa mogigiyon nokoiyonon id MPS om MPT.
Nokotindapou nogi’ Monunurat Pointatap Komontirian, Datuk Dr. Jamili Nais; Kumoduo Monunurat Pointatap I om II, io’ Stanley Chong dii Faridah Giau.
