Hajiji (tanga’) miampai di Dr. Joachim (kolimo, wanan), Masiung (koonom, gibang), Dr. Loke (koonom, wanan) om pipiro sanganu walai Seri Akasia Residency.
TUARAN: Boyoon Montiri, Datuk Seri Haji Hajiji Haji Noor pinopotunui kunci kumaa sanganu walai Seri Akasia Residency id Taman Seri Lemawang do hiti, di tadau baino’.
Projik nopo dilo’ nga’ piuhupan do KTI Sdn. Bhd. om Kotinanan Koburuon Pomuwalaian Kakadayan (LPPB).
Hajiji kinoruhang di Dr. Joachim (gibang), Masiung (koduo, gibang) om Dr. Loke (wanan) id balkoni aparmen Seri Akasia Residency.
Taman Seri Lemawang, kinopoburuan tiiyonon komersial mogirolot-rolot id tana’ kiginayo 198 ekar om kopokito 480 unit pangsapuri, 812 walai teres duo louting om kadai.
Ilo’ nopo nga’ iso’ mantad limo projik piuhupan do KTI Landmark Berhad om LPPB Sabah.
Minananud di Hajiji nopo, i Kumoduo Boyoon Montiri II po nogi’ Montiri Koporintaan Koiyonon om Pomuwalaian, Datuk Seri Dr. Joachim Gunsalam, Ponorikohon LPPB, Datuk Masiung Banah om Potunud Urusan/Luguan Upisor Eksekutif Tinimungan KTI Landmark, Dr. Gordon Loke.
