Hajiji (koturu’, wanan), Kumoduo Boyoon Montiri I po nogi’ Montiri Pomutanaman, Ponginsadaan om Pomorunan Takanon, Datuk Seri Dr. Jeffrey Kitingan (koturu’, gibang) om i Safar (koonom, wanan) guminambar miampai tongo’ Puru SPANS katalib kinapatahakan watikah kinoposilihan id Menara Kinabalu, Kota Kinabalu di tadau baino’.
KOTA KINABALU: Bagas Monunurat Koporintaan Pogun, Tan Sri Sukarti Wakiman sinili kawagu sabaagi Ponorikohon Suruhanjaya Surupukaraja’ Koporintaan Pogun Sabah (SPANS) montok timpu tolu toun poinggirotkuasa’ ko 1tw Koturu’ 2024.
Bagas Upisor Watas, Datuk Stephen Laison Sondoh sinili sabaagi Kumoduo Ponorikohon, minonowoli di Datuk Cladius Roman.
Mantad turu’ tulun Puru SPANS di kosisili, duo nopo nga’ wuros wagu yolo’ nopo nga’ ii Datuk Patrick Tan Su Teck om Luvita Koisun.
Limo Puru SPANS i sinili kawagu nopo, Datuk Idrus Shafie, Datuk Janet Chee Ken Liam, Haji Awang Jami @ Awang Shamsi, Ariffin Gadait om i Iman Ali.
Ruminamit yolo’ do watikah koposilihan mantad di Boyoon Montiri, Datuk Seri Haji Hajiji Haji Noor id upis disio doid Menara Kinabalu, do hiti di tadau baino’.
Nokotindapou nogi’ i Monunurat Koporintaan Pogun, Datuk Seri Sr. Haji Safar Untong, Luguan Potunud Koupisan Surupukaraja’ Koporintaan Pogun, Datuk Zainudin Aman om Monunurat SPANS, Diana Daria Amit.
