Kaantakan tana’ notuhan id guas Nulu Nabalu nokotonu’ id media sosial.
RANAU: Iso’ kinaantakan tana’ notuhan pinoruput naantakan id guas Nulu Nabalu doid Mesilau, Kundasang di kosuabon baino’.
Tumanud ruputan, kinaantakan kotumbayaan naangayan di jaam ko 1.20 minsusuab, om aiso’ i nogompitan.
Pinoilo, kinaantakan dilo’ nokoowit waig Baang Mesilau i koluyung id Baang Liwagu doid Ranau nokopononggoi burutak.
Kinaantakan dilo’ pinoruput somok kaagal di kaantakan liyud burutak katalib tana’ notingkau kitukuran 5.6 id skala Richter id kinoiyonon dilo’ di wulan Ko’onom 2015.
Tumanud Utusan Malaysia, Luguan Balai Bomba om Monumpasi Ranau, Ridwan Mohd. Talib pinoruput minoboros, bohogian dau nakaramit kopoilaan kohondot kinaantakan i nokotonu’ id media sosial om sontinimungan puru bomba pinaatod id kinoiyonon montok popoindalan kopogintongan.
“Puru kakal popoindalan pomorisaan id kinoiyonon di notuhan,” ka disio (ontok nosurat habar diti).
Tumanud ruputan, kinaantakan dilo’ nokoowit sistem waig id koiyonon dilo’ sinompon.
