Hajiji om Masidi id kopointalangan kopihondot kotombuluyan karaja’ Boyoon Montiri kumaa MoF di baino’.
KOTA KINABALU: Boyoon Montiri, Datuk Seri Haji Hajiji Haji Noor minoboros, ounsikou om osontob ginawo di naangayan om kopoindalan okikit Komontirian Kousinan (MoF) id siriba’ di Datuk Seri Masidi Manjun, hinombo do pogun diti nakaanu pinopoingkawas asil.
Minoboros isio dilo’ ontok kinotombuluyan karaja’ kuminaa MoF do hiti, di tadau baino’.
“MoF pinopowonsoi miampai osonong om unsubon ku komontirian suai do momit karaja’ osonong i nosigampot do komontirian. Kaanu tokou koburu’ nung pointootopot, maganu laang kohondot nunu i kiguno, om kapasanang kopoindalanan,” ka disio.
Hajiji minoboros, id siriba’ pomuruanan disio, pogun diti kiharo katatapan di atalang id koyuon Sondikoton Sabah Maju Jaya (SMJ) montok mogowit koburuon om kosuul no mongimbayat kopoopuan om kapanalasaian komosikinan kadala’ montok nopo koundaran pogun om mogigiyon.
Ontok kinotombuluyan karaja’ kuminaa MoF, Boyoon Montiri nonuan kopointalnagan di naangayan om nosigampot komontirian nogi’ kobolingkahangan, kaantaban i potoguang om sondikoton kaampai no kopongukaban intodonon nindopuan wagu, o wookon.
Kinotombuluyan karaja’ kuminaa MoF kopokito kinotombuluyan kumoinsan di Boyoon Montiri kumaa koinsnaai komontirian i kihontolon monotk mokinongoi kopoindalanan om naangayan diolo’ om nogi’ mamarati kobolingkahangan nogi’ kaantaban i potoguang do komontirian sompoopori.
Nokotindapou nogi’ i Masidi, Montiri Koburuon Labus Kakadayan, Datuk Jahid Jahim, Montiri Sains, Tiknologi om Inovasi, Dautk Dr. Mohd. Arifin Mohd. Arif, Montiri Koburuon Pomorunan om Mongindapu’, Datuk Phoong Jin Zhe, Montiri Koburuon Mogigiyon om Kasasanangan Mogigiyon, Datuk James Ratib, Montiri Sipoot om Komulakan, Datuk Ellron Angin, Monunurat Koporintaan Pogun, Datuk Seri Sr. Safar Untong, Luyar Agayo Pogun, Datuk Nor Asiah Mohd. Yusof, Monunurat Pointatap MoF, Datuk Mohd. Sofian Alfian Nair, tongo’ monguhup montiri om upisor toruo MoF.