Dr Maximus, Dr Joachim om i Joniston
KOTA KINABALU: Kinoposilihan dio’ Datuk Seri Dr. Joachim Gunsalam dii Datuk Joniston Bangkuai sabaagi ponowoli Presiden om ponowoli Kumoduo Presiden Parti Bersatu Sabah (PBS) nosusuhut kinopogonuan di Datuk Seri Dr. Maximus Ongkili do suti’ sabaagi Presiden nakaramit sokodung mantad oinsanan lansanon id longkod om nayatan bohogian.
Luguan Komulakan PBS Christopher Mandut minoboros, okito ilo’ maya’ raramit osonong mantad di tongo’ Kounsol Akawas om nogi’ tinimungan WhatsApp bohogian parti.
“Miampai oinsanan, yolo’ (puru Kounsol Akawas om lansanon bohogian) mamaramit osonong do kosokodung kinoposilihan winonsoi di presiden parti,” ka disio.
“Dadamot tokou do amu’ kaanu kumukuro id hal dilo’ (kinosution di Dr. Maximus), aiso’ suai nga’ mongunsikou kumaa disio. Isio nopo nga’ songulun lansanon di abaal om otumbayaan do minomonsoi isio pili’ monotk koundaran do PBS.
“Otumbayaan oku di Presiden do nokopomoluda’ dilo’ duo tulun miampai poinsonong, om mantad pangahakan disio di po’ompus om pomusarahan diolo’, kosimbuat o PBS do lobi kasawat. Id koobian do tinimungan Komulakan PBS, papatahak yahai 200 pihatus sokodung,” ka di Christopher.
Daamot i Timbang Presiden PBS Datuk Daniel Kinsik minoboros do ilo’ nopo nga’ kosiwatan montok id Dr. Joachim, i po nogi’ Kumoduo Presiden montok kuota Mamasok okon Muslim, do popokito kabaalon id kopomuruanan.
“Dadamot kinotongkiadon di Presiden, i amu’ songkuro kolidas, tinuridong tinimungan kukumaraja’ montok popoindalan haal ngaawi’ parti, buruanon diti (Dr. Joachim). Otumbayaan oku kopotorining ilo’ disio do momuruan parti,” ka disio.
Tinimungan pakakaraja’ dilo’ kapaampai nogi’ di Joniston, duo kawagu Kumoduo Presiden Datuk Seri Dr. Yee Moh Chai om Datuk Jahid Jahim, Monunurat Agayo Datuk Julita Majungki om i Monobubut Agayo Datuk Lu Kim Yen.
Naamot dino, i Luguan Koonduan PBS Datin Malianah Ugau minoboros: “Otumbayaan oku i Presiden haro pomusarahan di bobos osonong montok parti om puru ngaawi’, om mantad diti kaanu parti do mamanau id toguang. Mantad dilo’, tinimungan koonduan kosokodung kotontuan disio.”
Di tadau Koonom, Julita pinapahabar do kootuson di Dr. Maximus montok sumuti’ mantad karaja’ Presiden poinggirotkuasa ko 1tw Koonom toun diti, om i Dr. Joachim sabaagi ponowoli Presiden.
Mantad kinopoingkawasan di Dr. Joachim, i Joniston sinili Kumoduo Presiden mongobi’ Mamasok okon Islam, om nogi’ Luguan Kopointalangan PBS.
