Dr. Maximus Ongkili om i Dr. Joachim Gunsalam
KOTA KINABALU: Datuk Seri Dr. Maximus Ongkili sumuti’ sabaagi Presiden Parti Bersatu Sabah (PBS) poinggirotkuasa’ ko 1tw Koonom 2024, om dadamot dilo’, Kumoduo Presiden Datuk Seri Dr. Joachim Gunsalam momuruan parti dilo’ sabaagi ponowoli Presiden.
Monunurat Agayo PBS Datuk Julita Majungki pinapahabar hal diti id kointalangan di tadau baino’.
Minoboros isioo, miampai di Dr. Joachim i po nogi’ Kumoduo Presiden montok kuota Mamasok okon Islam parti dilo’ minsawat sabaagi ponowoli Presiden, Luguan Kopointalangan, Datuk Joniston Bangkuai popoindalan karaja’ pinomoruhang sabaagi ponowoli Kumoduo Presiden.
“Laang dilo’ kopokito tonggungan parti montok papatantu’ kotilombuson om koponguludan id nuludan kopomuruanan dau, tohuri nopo nga’ papatahak surupukaraja’ montok koponsolon parti om puru dau,” ka disio.
