Hajiji minamaramit kapamakaian pangkat Brigedier Jeneral (Kehormat) Susumangod Wataniah mantad di Mohamed Khalid om i Muhammad Hafizuddeain id Ababayan Kinapamakaian Pangkat Tauliah Kehormat Susumangod Wataniah id upis disio doid Menara Kinabalu, Kota Kinabalu di tadau baino’.
KOTA KINABALU: Boyoon Montiri, Datuk Seri Haji Hajiji Haji Noor gina’an do pangkat Brigedier Jeneral (Kehormat) om sinili sabaagi Mananamong Puruankuasa’ Pendukung Susumangod Wataniah (JAKPAW) Pogun Sabah.
Ababayan Kinapamakaian Pangkat Upisor Tauliah Kehormat Susumangod Wataniah winonsoi di Montiri Koumoligan,Datuk Seri Mohamed Khaled Nordin om Panglima Susumangod Tindal, Jeneral Tan Sri Dato’ Muhammad Hafizuddeain Jantan id Upis Boyoon Montiri doid Menara Kinabalu, do hiti, di baino’.
Hajiji ruminamit tandamato mantad di Mohamed Khaled id Ababayan Kinapamakaian Pangkat Tauliah Kehormat Susumangod Wataniah id upis disio doid Menara Kinabalu, Kota Kinabalu di tadau baino’.
Seri Paduka Baginda Yang di-Pertuan Agong pinapasaga’ atag do Kounsol Tinimungan Susumangod (MAT) Ko-592 montok pamaga’an pangkat tauliah kehormat Susumangod Wataniah kumaa id Hajiji.
Nokotindapou nogi’ i Monunurat Koporintaan Pogun, Datuk Seri Sr. Haji Safar Untong, Luguan Monunurat Komontirian Koumoligan, Datuk Seri Isham Ishak om Panglima Pemerintah Medan Timur Susumangod Tindal, Leftenan Jeneral Datuk Mohd. Sofi Md. Lepi.
