Hajiji (kolimo, wanan) pinapatahak tandamato kuminaa di Loke.
KOTA KINABALU: Boyoon Montiri (KM), Datuk Seri Haji Hajiji Haji Noor mokianu surupukaraja’ om kogogonopan id Tutubpoon Kapal Tumulud Sompomogunan Kota Kinabalu (KKIA) insonongan do osisikap.
Minoboros isio dilo’ kuminaa di Montiri Padsakaian, Anthony Loke ontok ruminuba’ miampai disio id upis disio doid Menara Kinabalu do hiti, konihab.
Hajiji (wanan) tuminabi’ di Loke id pinirubaan dilo’.
Boyoon Montiri minoboros, kogogonopan om surupukaraja’ id KKIA kiguno insonongan om poinsonongon sabab ilo’ nopo nga’ tutubpoon kapal tumulud koduo bobos atangkangau id pomogunon diti.
Monunurat Koporintaan Pogun, Datuk Seri Sr. Safar Untong nokotindapou miampai di Montiri Koburuon Pomorunan om Mongindapu’, Datuk Phoong Jin Zhe, Kumoduo Montiri Komoditi om Pomukobunan, Datuk Chan Foong Hin, Monguhup Montiri Kousinan, Tan Lee Fatt, Luguan DAP Sabah, Datuk Frankie Phoon, Puru Parlimen Sandakan, Vivian Wong, ADUN Kapayan, Jannie Lasimbang om Puru Parlimen Kudat, Datuk Verdon Bahanda.
Hajiji (wanan) miniboros miampai di Loke id pinirubaan dilo’.
Nokopogulu i Boyoon Montiri ruminuba’ nogi’ di Montiri id Koupisan Luguan Montiri (Undang-undang om Koponginwoguan Institusi), Datuk Seri Azalina Othman om Kumoduo Montiri Ikonomi, Dato’ Hanifah Hajar Taib.
