Phoong (gibang) miniruba’ di Wong doid Putrajaya.
KOTA KINABALU: Montiri Koburuon Pomorunan om Mongindapu’, Datuk Phoong Jin Zhe pinapaharo kinotombuluyan apantang kuminaa di Kumoduo Montiri Balajaran di wagu siliho’, Wong Kah Woh id Putrajaya di konihab.
Hontolon kinotombuluyan dilo nopo nga’ poposuni pisokodungan om mongukab ralan montok mongingkawas inggisaman balajaran, miampai tingkananon kosuul no id watas DUN Luyang.
Minanangkabayahan kumaa di Wong mantad kinoposilihan dau, Phoong po nogi’ ADUN Luyang pinopolombus kotumbayaan kogoosan di Wong montok manahak koootusan i kopoondos po’ompus timpu surupukaraja’ disio.
Minoboros yolo’ di karalano montok papabantug institusi balajaran id Sabah, poposotol koponsolon momogonop di kogugunoon kosuul no id Luyang.
Pinialanan pomusarahan kopokito tonggungan diolo’ goduo montok papatantu’ sikul id Sabah, kosuul no id Luyang, karamit intodonon om sokodung di gunoon montok mimang buru’.
Phoong pinoposotol koponsolon pisokodungan id pialatan Koporintaan Pisompuruan om Sabah montok monumboyo’ kogugunaan sistem balajaran di koburu’, kopongimbulai koyuyuon hinombo susumikul kaanu mumang buru’ om kosigampot kosiwatan poinponu’ diolo’.
Phoong minoboros, tonggungan montok mongingkawas kosiwatan balajaran id Sabah nga’ toririmo nogi’ kosili tingkananon disio, om minoboros do pisokodungan miampai bohogian kikoundaran, miagal di Wong, kotilombus kapapanau tonggungan oponsol id koponuridongan timpu dumontol balajaran id Sabah.
