Samad Jambri @ Jamri
KOTA KINABALU: Monguhup Montiri Koburuon Labus Kakadayan Sabah, Datuk Samad Jambri @ Jamri minobros, soginumu’ 541 unit Walai Mesra Sabah Maju Jaya (SMJ) nopongo minomonsoi gisom di ko 22tw Kohopod om Iso’ toun diti.
Ka disio kawagu, soginumu’ 959 unit po masaan doid koponuridongan.
Ponuridongan diti pinoindalan do Komontirian Koburuon Labus Kakadayan Sabah (KPLBS) maya’ Dewan Bandaraya Kota Kinabalu (DBKK), Kounsol Kakadayan Sandakan (MPS), Kounsol Kakadayan Tawau (MPT), Upis Watas om Upis Watas Okoro’ id pototongkop Sabah, ka disio kumaa di Datuk Jonnybone J. Kurum (Telupid) i minuhot, piro tinan walai id siriba’ pakej SMJ i pinoindalan do Komontirian id pototongkop Sabah di nopongo om masaan doid koponuridongan.
