Hajiji miampai di Shahelmey om i Jothi pinoposikit dilo ‘kuthu vilakku’ (sumbu kipiobuk).
KOTA KINABALU: Boyoon Montiri Datuk Seri Hajiji Haji Noor minampai di mogigiyon India montok minamaramai Deepavali id Longkod Konvensyen Sompomogunan Sabah (SICC) do hiti di tadau baino’.
Kinorikotan di Boyoon Montiri sinuau di Presiden Dewan Pongindopuan India Raan Sabah i Datuk V. Jothi om tulun ngaawi’ kingaangaran di suai.
Io’ Hajiji di Jothi om ongkingaangaran di suai minoninsib do kek Deepavali.
Talib dilo’, i Jothi minananud di Hajiji pinoposikit ‘kuthu vilakku’ (sumbu) kopihondot do Deepavali.
Ramai Pogisuahan Deepavali dilo’ notindapou di lobi 1,000 tulun i pinogisokodungan po nogi’ do minanganjur miampai Koporintaan Pogun om Dewan Pongindopuan India Sabah.
Hajiji pinopotunui replika cek kumaa mongongobi’ mantad Walai Jireh.
Id karamaian dilo’, duo cek sopitolu noribu (RM3,000) tiso’ pinatahak kumaa Koisaan Montok Tulun Bolou Sabah om Walai Jireh Tuaran mantad Koporintaan Pogun om Dewan Pongindopuan India Sabah.
Nokotindapou nogi’ i Kumoduo Boyoon Montiri III Datuk Ir. Shahelmey Yahya, Montiri Kousinan Datuk Seri Masidi Manjun om i Montiri Sains, Tiknologi om Inovasi i Datuk Dr. Mohd. Arifin Mohd. Arif.
