Hajiji minaramamit palan karaja’ TPB2030 mantad di Md. Silmi katalib kinotombuluyan apantang id Menara Kinabalu, Kota Kinabalu, di tadau baino’.
KOTA KINABALU: Koporintaan Pogun misokodung miampai Unit Peneraju Agenda Bumiputera (Teraju) montok papalantoi ababayan om inggisaman kopotundaan Mamasok id Sabah.
Boyoon Montiri (KM), Datuk Seri Hajiji Haji Noor minoboros dilo’ ontok minamaramit kotombuluyan apantang di tinonudan Teraju i binuruan di Luguan Upisor Eksekutif dilo’ Dato’ Md. Silmi Abd. Rahman id upis disio doid Menara Kinabalu do hiti di tadau baino’.
Id mitingan dilo’, Md. Silmi minanahak kointalangan kumaa di Boyoon Montiri kokomoi Laang Kopotundaan Mamasok 2030 (Tindakan Pembangunan Bumiputera – TPB2030), ilo’ nopo nga’ palan rikoton 10 toun i kopoloting karalano’ miampai ababayan om inggisaman kopotundaan di atalang om osorisid montok manahak waya’ di aanu adangon kumaa Mamasok.
TPB2030 nopo nga’ kopongoputan katatapan om palan Mamasok nokopogulu i kituduan papagaras ikonomi Mamasok montok papatantu’ kotilombuson om kaadangon, kopiongoi di ‘Wawasan Kemakmuran Bersama’ (WKB2030), mooi do aiso’ Mamasok i oiduanan.
Nakaampai nogi’ id tinonudan dilo’ i Potunud, Samsulkamar Mohamad Ali, Potunud Bersekutu, Noorezly Aimy Mohd. Noor om i Muhammad Hilmi Abd Adzis, nogi’ Luguan Ababayan – Sabah, Md. Redzuan Rahman.
