Jamawi (tanga’) guminambar pongingitanan miampai tombului tangapantang i nokotindapou om poingigit durian.
PUTATAN: Koporintaan maya’ Komontirian Pomutanaman, Ponginsadaan om Pomorunan Akanon (MAFFI) kiangkab poposili Putatan sabaagi kakadayan durian toun-toun nogi’ longkod kaparagatan pomutanaman komuniti maya’ kopoindalanan ababayan Kebun Dapur, ka di montiri dilo’, Datuk Jamawi Jaafar.
“Putatan okon i ko’ koiyonon pananmaan durian, nga’ miampai do hari kaparagatan miagal diti, Putatan nosili no do koiyonon toi watas mangakan durian miampai aiso’ kabayar id koiyonon kakadayan,” ka disio.
Toun diti, timpu durian pikikiro kotimpuun do wulan Kohopod, om toun tiso’ yoho’ sondiri manakadai lobi kogumu’ durian montok ababayan diti,” ka disio ontok pinopoimagon Tadau Poingukab Momukabun Putatan om Pesta Durian Rakyat, pinaanjur Kotinanan Momukabun Watas Putatan montok kumoinduo do hiti, di konihab.
Ababayan dilo’ notindapou di Puru Parlimen Putatan, Datuk IR. Haji Shahelmey Yahya; ADUN Petagas, Datuk Awang Ahmad Sah Datuk Awang Sahari; ADUN Tanjung Keramat, Shah Alfie Yahya; Monunurat Pointatap Komontirian, Datuk Leonard Stephen Poyong om Ponorikohon Kotinanan Potunud Momukabun Putatan po nogi’ Ponorikohon Manganganjur, Dato Seri Dr Haji Arsit Sedi.
Jamawi pinopointalang do ababayan Kebun Daput kituduan popomogigiyon siktor pomutanaman om ponginsadaan, manahak kosiwatan kumaa mogigiyon do gumomput sundung pia do aiso’ tana’ sondiri.
Ababayan diti popouyu mogisusuai pakej kaampai tanak manuk (piak), tanak putik (puik), tanak kambing, gipan, tongkuyu, nogi’ tanak sada’ tilapia om keli.
“Ababayan diti okon nopo ko’ kopoinsomok rayat di kaparagatan pomutanaman, nga koponokodung nogi’ kojominan pangaba’ takanon om mongingkawas kolidasan mogigiyon,” ka disio kawagu.
Jamawi (tanga’) tinanud di Shahelmey minonuau tulun ginumuan i nokotindapou.
Minokianu nogi isio sokodung upisor eksekutif Kounsol Watas Putatan montok mogintutun tana’ kusung toi amu’ nobuat montok pomogoton miampai mogigiyon. Mogigiyon ahakon do momumutanom id koompokon minggu miampai paganakan, potilombus dino kopongunsub kaparagatan pomutanaman miampai pogiuhupan.
Kopoimpuunan pohimagon Kebun Dapur pinatantu’ do kolimpuunon wulan Koduo om Tuaran pinili’ sabaagi koiyonon kumoiso’, naamot Putatan nosili koiyonon koduo nosusuhut di raramit osonong mogigiyon nokoiyonon. Oinsanan kotinanan id siriba’ komontirian, id nayatan pogun om pisompuruan, kogompit montok papatantu’ kohompitan rayat aanu monginggumu’.
Suai ko’ posiau kaparagatan pomutanaman, Putatan silihon longkod piromutan komulakan maya’ ababayan osonong.
“Iti okon nopo ko’ koiyonon puru momukabun morobuat tana’, nga kapanahak kosiwatan kumaa komulakan monuang timpu osinggawa miampai ababayan kikoundaran,” ka di Jamawi.
Minonongkounsikou nogi isio kumaa Kotinanan Momukabun Watas Putatan om Kotinanan Potunud Momukabun mantad tonggungan po’ompus pinapaanjur ababayan i kapanahak koundaran kumaa mogigiyon.
Ramai kinopoimaganan sinindak miampai kinoposodiaan durian nokoiyonon i akanon di oinsanan tombului.
Kalansanan di Jamawi Putatan kotilombus ointutunan sabaagi longkod tuwawa’ nokoiyonon, kosuul no durian, montok akanon mogigiyon tikid toun.
Nokopogulu pinapaharo i Jamawi pinirubaan id Wisma Pertanian miampai 23 komulakan kokusaian om koonduan i aparagat id kaganaan pomutanaman, pomutayaman, ponginsadaan om pomorunan akanon i maan pohompito’ doid ababayan Mentor-Mentee id Jelajah Kebun Dapur do obontol.
