Hajiji (kolimo, wanan) suminasi’ kinapatahakan replika cek mantad di Madius (kotolu, wanan) kumaa di Chee (koduo, gibang).
KOTA KINABALU: Boyoon Montiri, Datuk Seri Haji Hajiji Haji Noor suminasi’ kinapatahakan simbolik replika cek kigatang RM4.27 riong mantad POIC Sabah Sdn. Bhd. kumaa koporintaan pogun id Menara Kinabalu, do hiti di tadau baino’.
Ilo’ nopo nga’ toluod soginumu’ RM2 riong kumaa koporintaan pogun om nogi’ bayaran kawagu pinangalasan Pisompuruan kiginumu’ RM2.17 po riong montok toun 2025.
Ponorikohon wagu POIC Sabah, Datuk Wilfred Madius Tangau pinapatahak replika cek dilo’ kuminaa di Kumoduo Monunurat Pointatap Kousinan, Chee Shok Ting.
Nokotindapou nogi’ i Kumoduo Boyoon Montiri II po nogi’ Montiri Koburuon Pomorunan, Pongindopuan om Padsakaian, Datuk Ewon Benedick; Monunurat Koporintaan Pogun, Datuk Seri Sr. Safar Untong; Monunurat Pointatap Komontirian Koburuon Pomorunan, Pongindopuan om Padsakaian, Datuk Thomas Logijin; nogi’ Luguan Upisor Eksekutif Tinimungan POIC Sabah, Datuk Fredian Gan.
