Jamawi minooi intong id KPD Avenue om ruminuba’ tongo’ mongindapu’ do hilo’.
KOTA KINABALU: Montiri Pomutanaman, Ponginsadaan om Pomorunan Akanon, Datuk Jamawi Jaafar di tadau baino’ pinopoimagon Pasar Harian om nogi’ Sunset Deck Koperasi Koburuon Desa (KPD) Avenue, do hiti.
Nokotindapou nogi’ i Monguhup Montiri Pomutanaman, Ponginsadaan om Pomorunan Akanon I, Datuk Haji Ruslan Muharam; Monunurat Pointatap Komontirian, Dautk Leonard Stephen Poyong; Monijor Agayo KPD, Jamilah Lee om Puru Kotinanan Potunud KPD. Ramai kinopoimaganan nakapanau doid KPD Avenue.
Jamawi kinoruhang di sawo dau, Datin Zainatunnisa Ibrahim nga’ suminiwat nogi’ ruminuba di tongo’ mongindapu’ kinotuan hilo’ id KPD Avenue.
Nonuan ogi’ isio kopointalangan di Jamilah kohondot pamanahan om kopoindalanan i pinapanu do KPD i po noig’ kotinanan id siriba’ komontirian disio, poompus toun 2025.
Ontok rinubaan media, ka di Jamawi, osontob ginawo disio di naangayan rikoton pidagangan KPD montok toun 2025 i komoyon sabaagi kounsub kopio.
Jamawi (kaapat, gibang), Ruslan (kotolu, wanan) om i Leonard (gibang) guminambar miampai koinsanai tombului i nokotindapou katalib kinopoimaganan KPD Avenue.
“Ilo nopo nga’ iso’ naangayan i kapanahak tanda’ atalang kumaa mogigiyon do kaganaan pomutanaman kaanu manahak kountungan pongindopuan nung otorina’ no do oulud om kiwaya’,” ka disio.
