Hajiji minangamin doa ontok minooi intong jenazah di Allahyarham Bung Moktar id Idang Residen, Luyang di tadau baino’.
KOTA KINABALU: Boyoon Montiri, Datuk Seri Haji Hajiji Haji Noor kuminakap jenazah di Allahyarham Datuk Seri Bung Moktar Radin id Idang Residen, Luyang, montok minanahak pamantangan tohuri di tadau baino’.
Minoboros isio, Allahyarham nopo nga’ songulun lansanon i ogumu’ kinouhupan kumaa pogun, lolobi no nokopio id kinoiyonon disio.
“Sabaagi tambalut laid, monongkolisiu om momuhondom oku di Allahyarham kosuul no di maso disio id koyuon sumakit pogulu diti.
“Id koobian paganakan om koporintaan pogun mamason oku takziah kumaa paganakan di Allahyarham (Bung Moktar).
“Kalansanan koduduo di Allahyarham awanadad kosianan do Allah SWT om poiyonon miampai koduduo tulun ngaawi’ di ki’iman om ki’amal soleh,” ka disio media katalib minooi intong jenazah di Allahyarham.
Hajiji minamason takziah kumaa puru paganakan di Allahyarham Bung Moktar ontok minooi intong jenazah di Allahyarham id Idang Residen, Luyang di tadau baino’.
Bung Moktar, 66, i po nogi’ Puru Lintuhun Undangan Pogun (ADUN) Lamag nopututan ginawo di jaam ko 1.46 minsusuab di baino’ di maso mamaramit pongusapan id Hospital Gleneagles.
