Kumoduo Boyoon Montiri I, Datuk Seri Panglima Dr. Joachim Gunsalam minamaramit watikah koposilihan mantad Molohingon Agayo Pogun, Tun Datuk Seri Panglima (Dr) Musa Haji Aman, id Istana Seri Kinabalu, Kota Kinabalu di tadau baino’.
KOTA KINABALU: Boyoon Montiri (KM), Datuk Seri Haji Hajiji Haji Noor, otumbayaan tikid puru Nuludan Montiri i wagu kosili pasanganu nawawaya’an om kogoosan montok momuruan komontirian sompoopori kumaa naangayan di lobi kabantug montok pogun Sabah.
Minoboros isio, kabinet wagu nga’ nuru’ nogi’ papatantu’ kotilombuson kopoindalanan ababyaan koburuon miagal di napalan id siriba’ Palan Koburuon Sondikoton Sabah Maju Jaya (SMJ) 2.0.
Kumoduo Boyoon Montiri II, Datuk Seri Panglima Masidi Manjun minamaramit watikah koposilihan mantad Molohingon Agayo Pogun, Tun Datuk Seri Panglima (Dr) Musa Haji Aman, id Istana Seri Kinabalu, Kota Kinabalu di tadau baino’.
Pinopolombus kapanangkabayahan kumaa oinsanan montiri i wagu kosili, Hajiji pinoposorou do tonggungan i saanon agayo kopio om nuru’ poindalanon miampai poinponu’ ginawo om tonggungan.
Ka disio, tongo’ montir nuru’ sumurupukaraja’ kumaa oinsanan rayat Sabah amu’ momili’ do nindikohon, suai ko’ tonggungan i pinatahak tumboyoon poinponu’.
Kumoduo Boyoon Montiri III, Datuk Ewon Benedick minamaramit watikah koposilihan mantad Molohingon Agayo Pogun, Tun Datuk Seri Panglima (Dr) Musa Haji Aman, id Istana Seri Kinabalu, Kota Kinabalu di tadau baino’.
Hajiji minoboros dilo’ id kapahabaran media doid Sri Gaya di sodopon baino’, katalib ababayan ‘angkat sumpah’ Nuludan Montiri wagu Pogun Sabah i pinapanau doid Istana Seri Kinabalu.
Teks kapabaran media disio binasa’ di Kumoduo Boyoon Montiri I, Datuk Seri Panglima Dr. Joachim Gunsalam.
Ka disio, ababayan dilo’ mogowit rati agayo tu’ koponginggirot ilo’ angkab koporintaan pogun montok tumilombus sumurupukaraja’ montok koponsolon rayat do timpu dumontol Sabah.
Id kapahabaran media di miagal, pinapahabar nogi’ isio nuludan poinponu’ Nuludan Montiri i sinili id Kabinet wagu. Nuludan kopomuruanan dilo’ kapaampai dii:
Boyoon Montiri:
YAB Datuk Seri Panglima Haji Hajiji Haji Noor (GRS)
Kumoduo Boyoon Montiri (TKM):
TKM 1: Datuk Seri Panglima Dr. Joachim Gunsalam (GRS)
TKM 2: Datuk Seri Panglima Masidi Manjun (GRS)
TKM 3: Datuk Ewon Benedick (UPKO)
Nuludan Motiri:
Montiri Karaja Agayo om Utiliti: Datuk Seri Panglima Dr. Joachim Gunsalam (GRS)
Montiri Kousinan: Datuk Seri Panglima Masidi Manjun (GRS)
Montiri Pomorunan, Kousahawanan om Padsakaian: Datuk Ewon Benedick (UPKO)
Montiri Koporintaan Koiyonon om Pomuwalaian: Datuk Arifin Arif (GRS)
Montiri Pomutanaman, Ponginsadaan om Pomorunan Akanon: Datuk Jamawi Jaafar (PH)
Montiri Koburuon Labus Kakadayan: Datuk Rubin Balang (GRS)
Montiri Balajaran, Sains, Tiknologi om Inovasi: Datuk James Ratib (GRS)
Montiri Ponombuluyan, Koubasanan om Sandad Posorili: Datuk Jafry Ariffin (BN)
Montiri Koonduan, Kolidasan om Kasasanangan Mogigiyon: Datuk Julita Mojungki (GRS)
Montiri Koburuon Komulakan, Komogoton Sipoot om Ikonomi Kreatif: Datuk Nizam Titingan (GRS)
