Joniston ruminuba’ mongungundi’ id sesi kempen doid PDM Pahu, di tadau baino’.
KIULU: Calon Gabungan Rakyat Sabah (GRS) N.15 Kiulu, Datuk Joniston Bangkuai pinoposotol koponsolon piuhupan sabaagi tambalut miilang id koburuon po’ompus doid Kiulu ontok pinapaharo sesi kempen ponomborosan id pipiro Longkod Watas Mongundi’ (PDM), do hiti.
Mogigiyon DUN Kiulu noubas nodi kointutunan di Joniston, “DJB Tambalutku” i kopokito ponginsomokan disio di osuau nogi’ kotindapahan po’ompus id mogigiyon.
“Tonggungan tokou toririmo mimpau mokinongou, miboboros, om misokodung oronit miampai mogigiyon id koinsanai kampung, kaampai Kampung Pahu i toririmo nosili somboogian mantad proses diti,” ka di Joniston ontok sesi kempen doid PDM Pahu, do hiti di baino’.
Pinosotol disio do sundung mogigiyon pikikiro doti’ haro pomusarahan pulitik di sopisuai, miilang yolo’ rikoton di miagal ilo’ nopo ng’a mokimokito Kiulu komogot miampai po’ompus om ‘praktikal’.
Joniston i po nogi’ mongingigit timpohon DUN Kiulu, pinopointalang do impohon i tinuridong po’ompus penggal nokopogulu nokoposodia’ nuludan di atalang montok fasa koburuon potilombus diti id koiyonon diti.
“Sundung haro pisuayan, intangai oku sabaagi ‘tambalut’ dokoyu tu’ maan nopo kopio nga’ mokimamaha’ tokou asil di miagal montok paganakan om kampung sompoopori, om titik piagalan dilo’ oponsol.
“Impohon di haro kapasaga’ dati’ mamanau id toguang miampai sokodung po’ompus om palan di ‘realistik’,” ka disio kawagu, i pinoposotol do inggisaman wagu id manifesto disio kituduan momogonop ababayan haro mantad i nokito do kiwaya’.
Joniston pinoposotol tonggungan dau montok tumilombus miromut oronit miampai mogigiyon id pototongkop Kiulu montok papatantu’ koponsolon koiyonon toririmo tingkananon doid palan om kopoindalanan.
“Pokionuon ku rayat Kiulu do tumilombus mintong pamanahan diti sabaagi tonggungan toinsanan. Posodia’ oku miuhup miampai oinsanan bohogian do popotunda’ koiyonon diti,” ka di Joniston pinoposotol.
