KOTA KINABALU: Dewan Bandaraya Kota Kinabalu (DBKK) pinopoilo do koponomponan naamot Blok D, Jalan Gaya poindalanon mimpuun ko 1tw Kohopod om Iso’ gisom ko 1tw Kohopod om Duo 2025 montok manahak kosiwatna kumaa Projik Monginsonong Koyuon Talun-alun id kinoiyonon dilo’.
Id kointalangan doid laman Facebook dau di tadau baino’, DBKK pinopoilo do koponomponan diti kopohompit nopo do Blok D, naamot kapamanahan trafik montok Blok A, B om C id po’ompus Jalan Gaya koindalan miagal toririmo po’ompus timpu karaja’ koponginsonongan dilo’.
“DBKK mamason tulun ginumuan do mananud papan tanda naamot i poudongon om toririmo monidsorou soira’ maya’ koiyonon dilo’ montok mongilag nunu-nunu kobolingkahangan,” ka do kointalangan dilo’.
DBKK mongunsikou po nogi’ di sokodung om kinotoboion tulun ginumuan po’ompus timpu karaja’ poindalan montok kosimbayanan om koumoligan momoguno talun-alun do timpu dumontol.
