Hajiji pinopoilang pomusarahan disio naamot di Martin (kotolu, gibang) om puruankuasa’ di suai mokinongou.
KOTA KINABALU: Boyoon Montiri, Datuk Seri Haji Hajiji Haji Noor ruminuba’ di puruankuasa’ Koupisan Kohokiman Kuut Mamasok Pogun montok miboros karalano’ monginggirot kotinanan Kuut Mamasok Pogun (MAN).
Puruankuasa’ dilo’ binuruan di Ponorikohon dilo’, Datuk Martin Idang, bagas Hakim Kuut Akawas.
Nokotindapou nogi’ id tinonudan dilo’ i Kumoduo Ponorikohon Puruankuasa’, Dr. Benedict Topin I po nogi’ Presiden Kounsol Haal Mamasok Pogun Sabah (MHEANS), nogi’ Potunud Koupisan Haal Mamasok Pogun Sabah, Majaran Osman.
Puru puruankuasa’ di suai i nokotindapou kaampai no Pensyarah Totuo Undang-undang UiTM, Datin Dr. Rafidah @ Malissa Salleh; Kumoduo Ponorikohon Surupukaraja’ Koporintaan Pogun, Datuk Stephen Sondoh; Ponorikohon Tribunal Pomuwalaian, Juprin Wong; Upisor Undang-undang Totuo Koupisan Luyar Agayo Pogun, Dulce Majawit; mobi’ Koisaan Undang-undang Sabah, Datuk John Sikayun; nogi’ Upisor Ponolidik MHEANS, Beverly Judin om i Syaheeda Hamdan.
