Ruslan (wanan) miampai di Matbali pinopoimagon kinopomutulan ribon ponokotanda’ kinopoimaganan Lintuhun Poingukab Kg. Tinimungon, Limputong.
BEAUFORT: Puru Lintuhun Koundangan Pogun (ADUN) Lumadan, Datuk Haji Ruslan Muharam miampai di Puru Parlimen P.178 Sipitang, Datuk Matbali Haji Musah pinapatahak toluod kapaampai hamper kuminaa 202 luguan suang walai (KIR) kopihondot ababayan kinopoimaganan Lintuhun Poingukab Kampung Tinimungon, Limputong om kinapatahakan toluod Tadau Krismas kuminaa gereja-gereja id watas Lintuhun Koundangan Pogun (DUN) N.34 Lumadan, di konihab.
Ruslan po nogi’ Ponorikohon Perkasa Realty Sdn. Bhd. Minoboros, toluod hamper dilo’ kapaampai do siam tinan kampung om ilo’ nopo nga’ montok monguhup pagakanan id bohogian B40.
Ruslan pinapatahak po nogi’ toluod tusin tunui kuminaa pipiro gereja id Lumadan ilo’ nopo nga’ Gereja Kg. Lumadan, Kg. Laboi om Kg. Binunuk.
Ruslan (kotolu, gibang) pinapatahak toluod hamper Tadau Krismas kuminaa songulun mamaramit om poingingong i Matbali (tanga’).
“Sokukuri’ do iti koponguhup bohogian gereja montok mamaramai karamaian Krismas i amu’ no alaid,” ka disio.
Nunsub nogi’ di Ruslan rayat Lumadan kaanu mamaramai kararamaian gonsuhatan om monilombus pisompuruan sompipi’ diolo’.
Nokotindapou nogi’ id ababayan dilo’ i Lansanon Popomogot Mogigiyon N.34 Lumadan, Dioslin Agustin; Puru Komitikuasa’ Kopotundaan om Koumoligan Kampung (JPKK), molohigon kampung, Mongongobi’ Luguan Tanak Mamasok Pogun (WKAN) nogi’ lansanon gereja.
