Lintuhun Canselor, UMS
KOTA KINABALU: Longkod Labus Univositi Malaysuia Sabah (PLUMS) pinopointutun iso’ waya’an mitilombus montok tumanud pinsingilaan id Univositi Malaysia Sabah (UMS) miampai poinponu’ timpu kosuul no montok diolo’ i amu’ nakaanu koiyonon id kinopongupalaian maya’ UPU.
Tumanud kointalangan PLUMS, ababayan dilo’ i ointutunan sabaagi ‘Saluran Terbuka Universiti Malaysia Sabah’ (SATUMS) poukabon kumaa di tongo’ calun nokopupus Setifikit Akawas Sinikulan Malaysia (STPM), Setikit Akawas Ugama’ Malaysia (STAM), Diploma, Matrikulasi om nokopupus Asasi.
“Waya’an diti poingukab kumaa toinsanan mogigiyon id suang toi labus pogun i pasanganu kosudongan akademik kumaa pinsingilaan nayatan Izajah Sarjana Muda (Kepujian) potilombus dino mamagampot inggisaman kumaa kopongimbulaian mogigiyon sinakagon kipalajaran.
“Karalano’ pinsingilaan SATUMS nopo nga’ miagal di susumikul i minongopus pinsingilaan maya’ UPU ilo’ nopo nga’ poindalanon miampai poinponu’ timpu ontok timpu poingkaraja’,” ka do kointlaangan dilo’ di kaawagu diti.
Kointalangan dilo’ pinopoilo do kosudongan kosuangon kaganaan ababayan di upalaion nopo nga’ kapaampai do ‘syarat am’ om ‘syarat khas’ di pinatantu’.
“Kopongupalaian aanu momonsoi lobi kosopung miampai sumuang do laman web pinotomod PLUMS id https://www.ums.edu.my/plums/, naamot kosuangon om koporojistoran SATUMS poindalanon do tulan Kosiam tikid toun.
“PLUMS nga’ magalap om popouyu somuli’ koimbayat kumaa di puru alumni, sitaf om tonggungan sitaf UMS mongoput pinsingilaan do hiti, miampai rebat koimbayat soginumu’ 10% kosuul no ababayan ngaawi’ id sahau kopoindalanan longkod diti,” ka do kointalangan dilo’.
Montok rikod, PLUMS nopo nga’ iso’ mantad Longkod Tonggungan (PTJ) id UMS i popoindalan tongo’ ababayan kikonsep pinsingilaan po’ompus koposion.
Do babaino’ diti, haro apat longkod pinsingilaan PLUMS ilo’ nopo nga’ Kota Kinabalu, Sandakan, Tawau om Watas Pisompuruan Labuan.
