Hajiji (duo kuanan) besomo Amberly koq eyang m’ma nei, Maidon Bernadus ngkoq Florena Francis Obong mekitoon atag alap sebetaq nemuan sigaie taq Menara Kinabalu, bangi tu.
KOTA KINABALU: Ketua Menteri, Datuk Seri Hajiji Haji Noor ngusap selamat manang taq dik Amberly Maidon ngkoq Hayden Hansanon Humprey Suimin anu tepeneq ngewakilan pasukan Malaysia ngogo taq World Championship of Performing Arts (WCOPA) anu akan pineruun taq Disneyland, California, Amerika Syarikat nimpoon 21 Julai santaq 2 Ogos 2022.
“Aku makareso bangga mengkoq dik Amberly koq Hayden kerna pinenek ngewakilan laat ngogo taq WCOPA. Sigaie akan mo’o oron laat Sabah,Malaysia taq ringkat dunya. Yakin aku, sigaie akan kulek muat anu paling alap. Usapan ku enggaie selamat manang”, ling Hajiji taq betaq nemuan Amberly ngkoq eyang m’ma nei taq pejabat nei taq Menara Kinabalu, bangi tu.
Duongan jo lekat Sabah pinenek ngewakilan laat tu ngogo taq WCOPA, anu pan tekiloh sebagai “Olympics for Performers and Entertainers”, booi melua’an ikoh retis oyo taq Malaysia dokon koq Fanzi Ruji, Eylia Guntabid, Aina Abdul ngkoq allahyarham Siti Sarah.
Amberly, 15 akan sitanding endiom kategori Vokal Junior (untuk umuran 13 ngkon 15 taun) ngkoq Hayden endiom kategori Vokal Senior (umuran 18 ngkon 24 taun).
Amberly, murid sekul, Sekolah Menengah Kebangsaan (SMK) Datuk Peter Mojuntin, Penampang booi manang pingat Emas endiom Malaysia Championship of Performing Arts (MCOPA) 2021.
