Haji Ruslan Muharam, Presiden PBBS
BEAUFORT: Presiden Koisaan Bisaya Sabah (PBBS) di wagu, Haji Ruslan Muharam minonongkounsikou kumaa oinsanan bohogian i nokogompit pinapalantoi pomilian kopomuruanan koisaan dilo’ di wagu.
Minamarayou isio di koinsanai puru PBBS i pinoposuul do pisompuruan om minongunsikou kumaa di Datuk Isnin Aliasnih mantad kootusan disio suminunsuri mantad tuminanding montok karaja’ Presiden montok no do koundaran koisaan.
Ka di Ruslan, mongunsikou isio sokodung pinokitonan di Datuk Isnin i pinopotoluod kousinan RM5,000 montok ginuno kopihondot pinomilian kopomuruanan wagu om pinopolulus poruntukan montok kinapamansaian gasing soginumu’ do RM20,000.
Haji Ruslan ontok minanahak boboroson id pinomilian kopomuruanan.
“Toririmo tokou misokodung popoburu’ PBBS om iti nopo nga’ alaid no do nokoindalan,” ka di Ruslan po nogi’ Puru Lintuhun Koundangan Pogun (ADUN) Lumadan.
Lumansan isio do momumuruan wagu poinsodia’ popoindalan tonggungan sompoopori i pinatahakan do tongo’ mongongobi’.
Kopiongoi do rikoton i pinoulud disio, minamatos isio montok popotunda’ linimput PBBS di haro montok silihon sabaagi kokompungan koubasanan.
“Silihon tokou linimput PBBS om koiyonon kiginayo onom ekar montok silihon do watas rubpuon mogigiyon Bisaya miagal di tongo’ linimput tinaru di haro id pogun diti, ilo’ nopo nga’ Kadazan Dusun Cultural Association (KDCA) Hongkod Koisaan id Penampang montok mogigiyon Kadazandusun nogi’ Longkod Koubasanan Murut id Tenom montok tinaru Murut,” ka disio.
