KOTA KINABALU: Sabah pinoporuput 237 kes wagu Covid-19 di tadau baino’, nokoinsawat 71 kes nung piadangon di konihab (166).
Montiri Koporintaan Koiyonon om Pomuwalaian, Datuk Seri Masidi Manjun minoboros, tinimungan apat misarangkai kakal po nosili wookon watas i haro kes bobos akawas id pogun Sabah miampai Kota Kinabalu 41 kes, Tuaran (23 kes), Ranau (22) om Papar, Penampang om Kota Belud sopipoopori 19 kes, Putatan 15 kes, Keningau 12 kes om Tenom 11 kes.
Ka disio, soginumu’ 14 watas suai nokoposurat kes iso’ no numbur om apat watas po nokoposurat sifar kes.
“Di tadau baino’, limo no watas nokoposurat kinoinsiribaon kes wagu om 18 watas suai nokoposurat kinoinsawaton, nga’ Kota Belud no i nokopokito kinoinsawaton atalang miampai duo numbur, ilo’ nopo nga’ 17 kes lobi kogumu’ ko mantad di konihab.
“Apat watas po nokoposurat sinuratan miagal di konihab,” ka di Masidi po nogi’ Mononomboros Covid-19 Sabah.
Ka disio, soginumu’ 228 susumakit (96.2%) mantad ginumu’ kes di tadau baino’ id Kategori 1 om 2, tolu tulun id Kategori 3, duo tulun id Kategori 4 om songulun id Kategori 5.
Kes i nakapaampai tolu susumakit kakal id pogingontan kotilombus Koupisan Kolidasan Pogun Sabah (JKNS).
Ginumu’ kes tumanud watas:
Kota Kinabalu 41 (19)
Tuaran 23 (27)
Ranau 22 (14)
Papar 19 (18)
Penampang 19 (13)
Kota Belud 19 (2)
Putatan 15 (11)
Keningau 12 (3)
Tenom 11 (9)
Sandakan 9 (4)
Tawau 9 (3)
Kudat 7 (1)
Tambunan 6 (4)
Beaufort 6 (7)
Kuala Penyu 4 (2)
Kota Marudu 4 (0)
Tongod 3 (0)
Nabawan 2 (0)
Sipitang 2 (1)
Beluran 1 (0)
Lahad Datu 1 (2)
Kinabatangan 1 (0)
Pitas 1 (1)
Semporna 0 (2)
Telupid 0 (0)
Kunak 0 (0)
Kalabakan 0 (1)
(Numbur id bingkurung nopo nga’ ginumu’ kes di konihab – 17/12)
Kluster Wagu
Aiso’
