Fairuz Renddan
KOTA BELUD: Kopotundaan om kopoingkawasan ‘modal insan’ do babaino’ diti kiguno lobi posuulon kumaa komulakan kaampai no id ababayan koponondulian pogun om pomogunon montok fasa pandemik.
Luguan Armada BERSATU Pogun Sabah, Fairuz Renddan minoboros, kopotundaan om kotundunan tinimungan komulakan aanu mongingkawas kosuul no miampai poposodia’ kosiwata pakarajaan wagu kumaa sukod komulakan dilo’.
“Yati’ id Armada kopuriman do mantad haro kosiwatan pakarajaan di lobi kogumu’, tantu’ no do sukod wagu kaanu koundaran dilo’, kosuul no montok komulakan i haro id watas labus kakadayan,” ka disio.
Minoboros isio dilo’ id Pitimbungakan Mongongobi’ BERSATU Bohogian Kota Belud 2021 do hiti, di tadau baino’.
Puru Lintuhun Koundangan Pogun (ADUN) Pintasan dilo’ nga’ pinopoilo do oinsanan puru Armada toririmo monokodung poinponu’ kopomuruanan Presiden BERSATU, Tan Sri Muhyiddin Yassin om Boyoon Montiri, Datuk Seri Hajiji Haji Noor.
Pinointalang disio, koporintaan nga’ mogintong kawagu pinggisoman montok mongingkawas ninggisoman kopomoruhangan kogogonopan sipoot kumaa komulakan montok papatantu’ tingkananon mongimbulai lalansnaon timpu dumontol di aparagat pomusarahan om tinan aanu monigampot.
“Kalansanan tokou nogi’ kopio, mooi do koporintaan kopomoruhang om koposodia’ kogogonopan sipoot kumaa komulakan, sabab kopuriman tokou do kogunaan montok nubasanan karalano’ koposion olidas nopo nga’ oponsol montok mongimbulai kaadangon id kolidasan tinan om tutok, tumungkus wagu tokou do tohuri,” ka disio kawagu.
Daamot dilo’, pinopoilo nogi’ i Fairuz do Armada nga’ papaatag nogi’ do gontob umur bobos otuo puru dau i babaino’ diti pinatatap kumaa 35 toun ruhangan kumaa 40 toun.
“Hal diti sabab no do kopuriman tokou do Armada kakal do wagu om momoguno timpu montok pointutunan kumaa sukod tumungkus id labus.
“Kopuriman tokou nogi’ do kiguno tokou manahak kosiwatan kumaa lalansanon Armada noondo do momoluda’ om momili’ tutumungkus momuruan Armada di wagu i mongolon do dumontol,” ka di Fairuz.
Ka disio kawagu, kopomuruanan do Armada noondo diti nga’ kiguno nogi’ popoindalan ababayan i napalan nga’ nohimpagangan gagama’ kinorolihon pandemik Covid-19.
