KOTA KINABALU: Sabah nokoporuput do 497 kes wagu Covid-19 di konihab’, nokoinsiriba’ 114 kes nung piadangon di konihab (611).
Montiri Koporintaan Nokoiyonon om Pomuwalaian, Datuk Seri Masidi Manjun minoboros, kogumuan watas nokoposurat kinoinsiribaon kes wagu di tadau baino’ suai ko’ pipiro watas miagal do Penampang, Papar om Tenom i nokoporojistor kinopomoruhangan di akakawas.
“Kota Kinabalu om Tuaran no i nokoposurat kes id kawas gontob numbur 50,” ka disio kawagu.
Ka disio, kes ngaawi’ kinorolihan maya’ sporadik kakal akawas di tadau baino’, ilo’ nopo nga’ 36.2% mantad tintob koinsanai.
“Kes ngaawi’ i naantakan maya’ sporadik noilaan soira’ susumakit nokotoguang tanda-tanda’ kinorolihan virus Covid-19 om potilombus dino minindalan pinomorisaan kolidasan. Kes ngaawi’ pinomorisaan kitanda’ diti osusa’ manantu’ ‘kes indeks’ toi ko’ hinombo kinorolihan.
“I pointantu’ nopo nga’ kinorolihan diti mantad no do kinolowongon minananud kooturan kopoindalanan pinatantu’ (SOP) miagal do piinsoduan tinan toi pomogunaan tokop rabas,” ka di Masidi po nogi’ Mononomboros Covid-19 Sabah.
Somok 98% kes kinorolihan di tadau baino’ nopo nga’ id kategori iso’ om duo, i momoguno nopo do kopongusapan om kopitamangan id walai toi PKRC.
“8 no kes i komoyon do adalaan om momoguno kopongusapan id walai pongubatan kaampai no kopongusapan oulud, ilo’ nopo nga’ 4 tulun id kategori tolu, 3 tulun id kategori apat om 1 tulun no id kategori limo,” ka disio, i pinopoilo do soginumu’ 5 kes kawagu kakal id pogintongan do Koupisan Kolidasan Pogun Sabah (JKNS).
Ginumu’ kes tumanud watas:
Kota Kinabalu 80 (95)
Tuaran 61 (53)
Penampang 42 (28)
Kota Marudu 35 (40)
Papar 33 (20)
Ranau 30 (49)
Tenom 29 (17)
Kota Belud 23 (68)
Keningau 22 (16)
Beaufort 19 (52)
Kudat 16 (32)
Kinabatangan 15 (15)
Tambunan 13 (25)
Sandakan 13 (8)
Sipitang 12 ( 12)
Putatan 11 (19)
Kuala Penyu 8 (8)
Lahad Datu 8 (12)
Tawau 7 (7)
Telupid 6 (6)
Pitas 5 (5)
Beluran 3 (17)
Kunak 3 (2)
Kalabakan 2 (0)
Semporna 1 (1)
Nabawan 0 (1)
Tongod 0 (0)
(Numbur id bingkurung nopo nga’ ginumu’ kes di konihab – 12/11)
Kluster Wagu
Aiso’
