Mononorina’ takawas SAU ontok pinapaharo pinibarasan miampai FKI UMS maya piromutan.
LABUAN: Univositi Malaysia Sabah (UMS) maya do Fakulti Komputeran om Infomatik (FKI) papaharo pisokodungan mogisusuai kaganaan miampai do Shenyang Aerospace University (SAU), China.
Tumanud kointalangan FKI, iso’ pinibabarasan tosopung pialatan goduduo bohogian pinaharo di kaawagu diti kapaampai sitaf surupukaraja takawas FKI om SAU.
“PInibarasan okon nopo ko’ poposuul di kosiwatan pisokodungan FKI miampai College of Computer Science SAU, nga nakapaampai nogi do pisokodungan id sunduk di lobi poinpuli.
“Wookon di pinogibabarasan kaampai no ababayan piolonan susumikul om pensyarah, koponompuanan miampai tongo susumikul Ijazah Doktor Falsafah (PhD), pisokodungan ponolidikan, om kopoindalanan ababayan ‘double degree’ pialatan goduduo univositi,” ka do kointalangan FKI i pinalabus do hiti, di tadau baino.
Tumanud kointakangan dilo, bohogian SAU nga pinopointalang angkab montok misokodung miampai fakulti i koposuul id kaganaan ikonomi id UMS.
“Pibabarasan potilombus kohondot angkab pisokodungan diti maan pohoroo do timpu dumontol,” ka do kointwlangan dilo.
Pinapanau maya piromutan, pinibabarasan dilo notindapou di Dekan Institute of international Education (IIE), Prof. Madya Pearl Liu Ping; bagas Dekan FKI (noondo Potunud Longkod Koponguludan Ponolidikan UMS), Prof. Dr. Abdullah Gani; om Kumoduo Dekan Faculty of Computer Science (FCS) SAU, Prof. Madya Leon Zhao Liang.
Nokotindapou nogi i Potunud International Exchange and Cooperation Office in IIE, Maggie Yu; om Potunud Academic Management Office in IIE, Cathy Chang.
